Հատուկ չվերթ․ ՌԴ մասնագետները Հայաստան են եկել ԱԷԿ-ի վերանորոգման վերջին փուլի համար

© Sputnik / Asatur YesayantsАрмянская атомная электростанция
Армянская атомная электростанция - Sputnik Արմենիա
Բաժանորդագրվեք
Yandex newsTelegram
Մասնագետները կստուգեն, թե ինչպես է անցել տուրբոգեներատորների փոխարինումը, ինչպես նաև կպատրաստվեն ռեակտորի թրծմանը՝ կարևորագույն գործողություն, որը թույլ կտա կայանի կյանքը երկարացնել 2026 թվականից հետո:

ԵՐԵՎԱՆ, 16 հուլիսի – Sputnik. Ռուսաստանցի մասնագետները Հայաստան են ժամանել Մեծամորի ԱԷԿ-ի վերանորոգումն ավարտին հասցնելու համար։ Ինչպես հայտնում է «Ռոսատոմ» պետական կորպորացիայի մամուլի ծառայությունը, աշխատանքներին կմասնակցեն «Атомнергоремонт» ձեռնարկության մասնագետները։

Армянская атомная электростанция - Sputnik Արմենիա
ՀՀ կառավարությունն ուժը կորցրած ճանաչեց ատոմակայանի վերանորոգման պայմանագիրը

2018 և 2019 թվականներին ատոմակայանի գործող էներգաբլոկում արդեն երկու տուրբոգեներատոր է փոխվել։ Դրանց համար սարքավորումներ է մատակարարել մեկ այլ ռուսական ձեռնարկություն՝ «Силовые машины»-ն։ Հիմա նրանց պահանջով երկու գեներատորներից մեկը կբացեն՝ նորոգման որակը ստուգելու համար։ Բացի այդ, կարդիականացվեն կայանի ջրային հովացման համակարգերը, այդ թվում ՝ սառեցնող աշտարակները։

Այս տարի կկատարվեն նաև ռեակտորի պատյանի թրծման նախապատրաստական աշխատանքները։ Թրծումը, հնարավոր է, թույլ տա շարունակել ատոմակայանի աշխատանքը 2026թ․-ից հետո։

Ընդհանուր առմամբ Հայաստան է ժամանել 40 մարդ՝ ձեռնարկության Բալակովսկայա և Կոլսկայա մասնաճյուղերից, ինչպես նաև «Атомэнергоремонт» կենտրոնակայանից։ Չնայած կորոնավիրուսով պայմանավորված իրավիճակին՝ ռուսաստանցի մասնագետները կարողացել են գալ Հայաստան։ Նրանց համար հատուկ չարտերային չվերթ է կազմակերպվել «Атомэнергоремонт»-ի հայաստանյան մասնաճյուղի տնօրեն Լևոն Ստեփանյանի ակտիվ մասնակցությամբ։

Վերանորոգման աշխատանքներն իրականացվելու են անձնական պաշտպանության միջոցների լիակատար ապահովմամբ՝ վարակը կանխելու համար։

Армянская АЭС - Sputnik Արմենիա
Հայաստանը Մեծամորի ատոմակայանի վերազինման համար նոր միջոցներ կներգրավի

«Հայաստանում մեզ սիրում են և միշտ սպասում են, քանի որ «Атомэнергоремонт»-ն իր աշխատանքները միշտ կատարում է ժամանակին և բարձր մակարդակով։ Մեր անձնակազմը վաստակել է Հայաստանում իր հանդեպ վստահությունն ու լավ վերաբերմունքը»,-նշել է ընկերության գլխավոր ինժեներ Ալեքսեյ Չերնիկովը։

Հիշեցնենք, որ Հայաստանի ԱԷԿ-ի հիմնանորոգման աշխատանքներն իրականացվում էին Ռուսաստանի կառավարության տրամադրած մինչև 270 միլիոն դոլար վարկային գծով (15 տարի ժամկետով) ու 30 միլիոն դոլարի դրամաշնորհով։ Սակայն կողմերը չկարողացան համաձայնության գալ վարկի մուծման ժամկետների հարցում, ուստի համաձայնությունը ժամանակից շուտ դադարեցվեց։ Հայկական կողմն օգտագործել է վարկի մեծ մասը՝ ավելի քանի 200 միլիոն, որն էլ պետք է վերադարձնի։

Նորոգման արդյունքում ատոմակայանի հզորությունը կմեծանա՝ 390-ից դառնալով 430 Մվտ, և միևնույն ծավալի վառելիքից կայանը ավելի շատ էլեկտրականություն կարտադրի, ինչն էլ թույլ կտա վերադարձնել վարկը։

Մեծամորի ատոմային էլեկտրակայանը պետական սեփականություն է և ապահովում է Հայաստանում արտադրվող էլեկտրաէներգիայի մոտ մեկ երրորդը։

Լրահոս
0