ԵՐԵՎԱՆ, 17 հուլիսի - Sputnik. Այսօր առավոտյան վթար է եղել Վանաձոր-Թումանյան ավտոճանապարհին, կան տուժածներ։ Տեղեկությունը հաղորդում է ՀՀ ԱԻՆ մամուլի ծառայությունը։
Նշվում է, որ ահազանգն ԱԻՆ Ճգնաժամային կառավարման ազգային կենտրոնում ստացել են ժամը 08:34-ին, դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
«Պարզվել է, որ Վանաձոր-Թումանյան ավտոճանապարհի 37-րդ կմ-ին բախվել են «ՈւԱԶ» (վարորդի տվյալները չի հաջողվել պարզել) և «Lada Priora» (վարորդ՝ Էդուարդ Ա․) մակնիշների ավտոմեքենաները։ Մինչ փրկարարների՝ կանչի վայր հասնելը «ՈւԱԶ» մակնիշի ավտոմեքենայի վարորդը հեռացել է դեպքի վայրից»,–նշվում է ԱԻՆ հաղորդագրության մեջ։
Փրկարարները «Lada Priora» մակնիշի ավտոմեքենայի ուղևոր Հովհաննես Մ․-ին ցուցաբերել են առաջին օգնություն։ Հովհաննես Մ․-ն, մյուս ուղևոր Արմեն Մ․-ն և վարորդ Էդուարդ Ա․-ն հոսպիտալացվել են Վանաձորի ԲԿ։
Փրկարարները հոսանքազրկել են ավտոմեքենաները և փակել գազի բալոնների փականները:
«Փեթակի» խաչմերուկում վթար է եղել. տուժածները 17 և 18–ամյա երիտասարդներ են
