Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել

© Sputnik / Murad OrujovХикмет Гаджиев, глава пресс-службы МИД Азербайджана
Хикмет Гаджиев, глава пресс-службы МИД Азербайджана  - Sputnik Արմենիա
Բաժանորդագրվեք
Yandex newsTelegram
Ադրբեջանում հերքում են Մեծամորի ԱԷԿ-ին հարվածելու իրենց իսկ սպառնալիքները։ Հայտարարությամբ հանդես է եկել Իլհամ Ալիևի արտաքին քաղաքականության հարցերով խորհրդական Հիքմեթ Հաջիևը ։

ԵՐԵՎԱՆ, 21 հուլիսի – Sputnik. Ադրբեջանի նախագահ Իլհամ Ալիևի արտաքին քաղաքականության հարցերով օգնական Հիքմեթ Հաջիևը ԱՊԱ գործակալությանը տված հարցազրույցում հայտարարել է, որ Հայաստանի քաղաքացիական, այդ թվում՝ կրիտիկական օբյեկտները (ինչպիսին է, օրինակ, Մեծամորի ատոմակայանը՝ խմբ.), Ադրբեջանի զինված ուժերի նպատակը չեն եղել։ Տեղեկությունը հայտնում է ՌԻԱ Նովոստին:

Минобороны показало обломки и захваченные азербайджанские беспилотники (21 июля 2020). Еревaн - Sputnik Արմենիա
Երևանում ցուցադրում են Ադրբեջանի ԶՈՒ–ի խոցված և առգրավված անօդաչուները. լուսանկարներ

Օրերս Ադրբեջանի ՊՆ ներկայացուցիչ Վագիֆ Դարգյահլին հայտարարել էր, որ ադրբեջանական բանակի սպառազինության կազմում գտնվող հրթիռային համակարգերը թույլ են տալիս բարձր ճշգրտությամբ խոցել Մեծամորի ատոմակայանը: Նա հավելել էր, որ դա կարող է Հայաստանի համար մեծ աղետ լինել։

«Հայաստանի քաղաքացիական, այդ թվում՝ կրիտիկական օբյեկտները, Ադրբեջանի զինված ուժերի նպատակը չեն եղել, օրակարգում դա չի եղել», - ասել է Հաջիևը։

Հայաստանի ԱԷԿ-ը, որը միակն է տարածաշրջանում, գտնվում է Մեծամոր քաղաքի մոտ (Երևանից մոտ 30 կմ դեպի հարավ)։ Ատոմակայանի շինարարությունը սկսվել է 1970 թ-ին, առաջին էներգաբլոկը շահագործման է հանձնվել 1976 թ-ին։ Կայանի աշխատանքը կանգնեցրել էին 1989թ–ի մարտին՝ Սպիտակի երկրաշարժից հետո։ Կրկին գործարկվել է 1995 թվականի նոյեմբերին։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 21-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

Ադրբեջանը հուսահատության մեջ է․ ԱԳՆ-ն անդրադարձել է ատոմակայանի հրթիռակոծման սպառնալիքին

Լրահոս
0