ԵՐԵՎԱՆ, 21 հուլիսի — Sputnik. «Նոան» պայմանագիր է կնքել Հայաստանի Ազգային հավաքականը ներկայացնող 24-ամյա պաշտպան Մոնրոյ Արարատի հետ: Տեղեկությունը հայտնում է «Երևան Արմենիա» ֆուտբոլային ակումբը` Facebook–ի իր էջում։
Նշվում է, որ նա նախկինում հանդես է եկել կոլումբիական «Բոյակա Չիկոյի» կազմում:
Ակումբը լուսանկար է հրապարակել 24–ամյա ֆուտբոլիստից ու կից գրել.
«Բարի գալուստ «Նոա» ընտանիք»։
«Նոա» ֆուտբոլային ակումբի սպորտային տնօրեն Արթուր Սահակյանը Sputnik Արմենիայի հետ զրույցում ասաց, որ Մոնրոյ Արարատը մինչև «Նոա» տեղափոխվելը ազատ խաղացողի կարգավիճակ է ունեցել։
«Հաշվի առանք բոլոր հանգամանքները` ազատ ֆուտբոլիստի կարգավիճակ ունի, բավականին մեծ փորձ ունի, Հայաստանի ազգային հավաքականի թեկնածու է և ունի ֆուտբոլային շատ լավ որակներ։ Որոշեցինք հրավիրել Մոնրոյ Արարատին, ու հիմա ես կարող եմ ասել, որ նրա հետ երկու տարվա պայմանագիր ենք կնքել: Հաշվի առնելով նախորդ մրցաշրջանի արդյունքները, «Նոան» շարունակելու է ուժեղացնել թիմը, և նոր ֆուտբոլիստներ դեռ կունենանք հաստատ»,–նշեց Սահակյանը:
Հիշեցնենք` 2018 թվականի մարտին Ժորդի Մոնրոյը հրավիրվել է Հայաստանի հավաքական՝ Էստոնիայի և Լիտվայի դեմ ընկերական խաղերի համար։ Նա խաղում է աջ պաշտպանի դիրքում։
10 գոլ, հաղթելու մեծ ցանկություն. Հայաստանի գավաթի եզրափակիչը` լուսանկարներում
