ԵՐԵՎԱՆ, 28 հուլիսի — Sputnik. Մոսկվայի դատարանները որոշում են կայացրել կալանավորել Ռուսաստանի մայրաքաղաքում ադրբեջանցիների և հայերի միջև զանգվածային ծեծկռտուքի 15 մասնակցի։ Տեղեկությունը հաղորդում է ՌԻԱ Նովոստին:
Այդ որոշումներն ընդունվել են Մոսկվայի Կուզմինսկի, Նիկուլինի և Տրոիցկի դատարանների կողմից։ Բոլոր ձերբակալվածները մեղադրվում են խուլիգանություն հոդվածով։
Ոստիկանության տվյալներով ՝ հուլիսի 24-ի գիշերը Մոսկվայի Մարյինո շրջանում մի քանի ծեծկռտուք է տեղի ունեցել. կոտրվել են խանութի, սրճարանների ու ավտոլվացման կետերի ապակիները, բերման է ենթարկվել ծեծկռտուքների ավելի քան 30 մասնակից:
Հուլիսի 25-ին դատարանը զանգվածային ծեծկռտուքի երեք մասնակիցներին կալանավորելու որոշումէր ընդունել։ Նրանց կալանավորել էին խուլիգանության մեղադրանքով։
Հիշեցնենք, որ հուլիսի 24-ի գիշերը Մոսկվայում ադրբեջանցիները խմբերով հարձակվել էին հայերի վրա։ Ռուսաստանում և այլ երկրներում բնակվող հայերի ու ադրբեջանցիների հարաբերությունները սրվել են վերջերս հայ-ադրբեջանական սահմանին տեղի ունեցած մարտերից հետո։
Մոսկվայում հայերի և ադրբեջանցիների զանգվածային ծեծկռտուքի 10 մասնակցի են կալանավորել
