ԵՐԵՎԱՆ, 30 հուլիսի – Sputnik. Հայաստանի հավաքականի ավագ և իտալական «Ռոմայի» կիսապաշտպան Հենրիխ Մխիթարյանը Facebook–ի իր էջում անդրադարձել է Իտալիայի առաջնության 37-րդ փուլում «Ռոմայի» հաղթանակին։
«Երեկ երեկոյան մենք ցույց տվեցինք մեր բնավորությունն ու հավակնությունները, դա հեշտ հանդիպում չէր, բայց մենք պետք է հաղթեինք։ Ուրախ եմ, որ մենք կարողացանք տեղ ապահովել Եվրոպայի լիգայի խմբային փուլի հաջորդ մրցաշրջանում»,– գրել է ֆուտբոլիստը։
Նշենք, որ այս գիշեր «Ռոման» Իտալիայի առաջնության 37-րդ փուլում 3:2 հաշվով հաղթեց «Տորինոյին»։ Այդ հաղթանակի շնորհիվ հռոմեացիներն իրենց համար 5-րդ տեղն ապահովեցին առաջնությունում։
Սկզբում «Տորինոն» առաջ էր ընկել․ խաղի 14-րդ րոպեին իսպանացի հարձակվող Ալեքս Բերենգերը գոլ խփեց, սակայն երկու րոպե անց «Ռոման» հավասարեցրեց հաշիվը․ Հենրիխ Մխիթարյանի փոխանցման շնորհիվ Ջեկոն հարվածեց հակառակորդի դարպասին ու հավասարեցրեց հաշիվը։
Այս հաղթանակով «Ռոման» առաջնության ավարտից մեկ փուլ առաջ 4 միավորով առաջ է ընկել «Միլանից»։
«Ռոման» 6:1 հաշվով ջախջախել է ՍՊԱԼ-ին արտագնա խաղում․ տեսանյութ
Իտալիայի առաջնության վերջին փուլում «Ռոմային» արտագնա խաղ է մնացել «Յուվենտուսի» հետ, որն արդեն իսկ ապահովել է չեմպիոնի իր կոչումը։
Այսպիսով, Իտալիայի առաջնության այս մրցաշրջանում Մխիթարյանը ինը գոլ է խփել ու հինգ փոխանցում արել, իսկ Եվրոպայի լիգայում՝ մեկ փոխանցում։ Օգոստոսի սկզբին՝ առաջնության ավարտից հետո, հռոմեացիներին բարդ խաղ է սպասում․ 1/8 եզրափակիչում նրանք հանդիպելու են «Սևիլյայի» հետ։
Հենրիխ Մխիթարյանը հրաշալի գոլ խփեց, բայց «Ռոման» չկարողացավ հաղթել. տեսանյութ
