Ամուլսարում իրավիճակը պայթյունավտանգ է. բազմաթիվ ցուցարարներ բերման ենթարկվեցին

© Photo : Facebook / Շիրակ Բունիաթյան Охрана и местные жители у рудника Амулсар (1 июля 2020). Джермук
Охрана и местные жители у рудника Амулсар (1 июля 2020). Джермук - Sputnik Արմենիա
Բաժանորդագրվեք
Ամուլսարի հանքավայրի մոտ հավաքվածները ոստիկաններին կոչ են անում հեռանալ խաղաղ ցույցի տարածքից և բախում չհրահրել։

ԵՐԵՎԱՆ, 4 օգոստոսի – Sputnik. Ամուլսարում այս պահին լարված իրավիճակ է, ոստիկանության աշխատակիցները ճանապարհը ավտոշարասյունով փակած ցուցարարներին հոդորում են դադարեցնել ցույցը, սակայն ակցիայի մասնակիցներն ընդդիմանում են։

Открытое письмо жителей прилегающих к Амулсару общин премьер-министру РА - Sputnik Արմենիա
Ամուլսարի շրջափակումից հետո բնակիչները զրկվել են եկամտից. նրանք դիմել են Փաշինյանին

Ոստիկանության Վայոց Ձորի մարզային վարչության պետ Գևորգ Ազիզյանը եկել էր ցուցարարների հետ բանակցելու, որպեսզի բացեն ճանապարհը, և երթևեկությունը կաթվածահար չլինի։ Ոմանք ընդդիմացան, ոստիկանների և ցուցարարների միջև բախում տեղի ունեցավ։ Իրավապահները 10 հոգու բերման ենթարկեցին։

Ակտիվիստները հայտարարեցին, որ պատրաստ են ոստիկանների հետ խաղաղ բանակցությունների, բայց ունեն պահանջ, որ ոստիկանությունն ազատ արձակի բերման ենթարկվածներին։

«Ամուլսար, միայն սար»,–բացականչում էին ցուցարարները։

Նրանք կոչ արեցին ոստիկանական զորքերը հանել խաղաղ ցույցի տարածքից և բախում չհրահրել։

«Խնդիրը ոստիկանության մեջ չէ, հարցն ուղղված է կառավարությանը։ Ամուլսարի հանքարդյունաբերությունը պետք է չեղարկվի։ Ոստիկանությունը այստեղ անելիք չունի, քանի որ ոստիկանը մերն է»,–բղավեց ցուցարարներից մեկը։

Հիշեցնենք, որ Ջերմուկի բնակիչները դեռևս նախորդ տարվանից պարբերաբար փակում են Ամուլսար տանող ճանապարհները: Նրանք կարծում են, որ հանքի շահագործումը մեծ վնաս կհասցնի շրջակա միջավայրին: 2018 թվականի հունիսից մի խումբ մարդիկ` «Ամուլսարի պահապանները», գիշեր-ցերեկ հերթապահում են վագոն–տնակներում՝ փակ պահելով դեպի հանք տանող ճանապարհները։

Стройка компании Лидиан Армения - Sputnik Արմենիա
Աշխատանք ենք ուզում. «Լիդիան Արմենիայի» նախկին աշխատողները կարդացին Փաշինյանին գրած նամակը

«Լիդիան Արմենիա» ընկերությունն այսօր հեռացրել էր իր տարածքում մոտ երկու տարի գտնվող վագոն-տնակները և այդ մասին հայտարարություն տարածել։

Նշենք, որ ՀՀ վարչապետ Նիկոլ Փաշինյանը 2018 թ–ի սեպտեմբերի 9–ին Facebook–յան ուղիղ եթերում անդրադարձել էր Ամուլսարի հանքի շահագործման թեմային` ասելով, որ Ջերմուկի բնակիչները պետք է ապաշրջափակեն Ամուլսարի հանք տանող ճանապարհները:

2019 թ. ապրիլին ՀՀ վարչական դատարանը պարտավորեցրել է ոստիկանությանը վերացնել ներխուժումը և հեռացնել անձանց ու նրանց գույքը ընկերությանը պատկանող տարածքից։

Ամուլսարի գործում նոր փաստաթուղթ է ի հայտ եկել. ՔԿ նախագահ

Ավելի վաղ լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում: Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած` շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:

Ամուլսարի ոսկու հանքը Հայաստանի երկրորդ խոշոր հանքավայրն է: Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала