Սամվել Կարապետյանի կինը ցույց է տվել՝ ինչպես են նշել թոռան ծննդյան օրը

ԵՐԵՎԱՆ, 10 օգոստոսի – Sputnik. Միլիարդատեր, «Տաշիր» ընկերությունների խմբի սեփականատեր Սամվել Կարապետյանի կինն Instagram-ի իր բաժանորդներին ցույց է տվել՝ ինչպես է ընտանիքն ամբողջ կազմով նշել թոռնուհու տարեդարձը։

Կարապետյանի կինը սթորիզում տեսանյութ է հրապարակել, որում նրանք ինչ-որ ծովի ափին են, հունական երաժշտություն է հնչում, խոհարարները տարբեր ուտեստներ են մատուցում։ Կադրում են հայտնվել նաև Սամվել Կարապետյանն ու նրա դուստրը՝ Տաթևիկը։ Սկզբում տեսանյութը նկարահանում է հենց Էթերի Կարապետյանը, հետո հեռախոսը փոխանցում է մեկ այլ «օպերատորի» ու սկսում է պարել փոքրիկի հետ։

Նա նաև հրապարակել է թոռնուհու լուսանկարն ու գրել․ «Շնորհավոր ծնունդդ, իմ բարի, գեղեցիկ, կենսուրախ թոռնուհի։ Եղիր ամենաերջանիկը»։

Օգտատերերը միացել են շնորհավորանքին։ Նրանց թվում են նաև հեռուստահաղորդավար Անդրեյ Մալախովն ու պրոդյուսեր Յանա Ռուդկովսկայան։

Էթերին նաև լուսանկար է հրապարակել ամուսնու հետ։ Օգտատերերը բազում հաճոյախոսություններ են ուղղել նրանց։

Որտե՞ղ է հանգստանում Սամվել Կարապետյանի ընտանիքը. նրա դուստրը լուսանկար է հրապարակել

Նշենք՝ Սամվել Կարապետյանը Ռուսաստանի ամենահարուստ մարդկանցից մեկն է։ Նա «Տաշիր» ընկերությունների խմբի և այլ առևտրային ու արտադրական կառույցների սեփականատեր է։ Ամուսնացած է, ունի երեք զավակ` Տաթևիկը, Սարգիսն ու Կարենը։ Բոլորը նրա ղեկավարությամբ են աշխատում։ Եղբայրը՝ Կարենը, պետական գործիչ է։

Forbes-ը ներկայացրել է Ռուսաստանի 200 ամենահարուստներին. Սամվել Կարապետյանը նրանց մեջ է