Միջազգային բանակային խաղեր-2020. հայ զինվորականները մեկնել են Ռուսաստան և Բելառուս

© Sputnik / Кирилл Брага / Անցնել ֆոտոբանկТанк Т-90А
Танк Т-90А  - Sputnik Արմենիա
Բաժանորդագրվեք
ՀՀ ՊՆ–ից հայտնել են, թե որ ստորաբաժանումները կմասնակցեն ամենամյա միջազգային մրցումներին։

ԵՐԵՎԱՆ, 13 օգոստոսի – Sputnik. Հայկական բանակի զինծառայողները մեկնել են Ռուսաստան և Բելառուս, որտեղ կմասնակցեն Միջազգային բանակային խաղերին։ Այս մասին Sputnik Արմենիային հայտնեց ՀՀ ՊՆ մամուլի քարտուղար Շուշան Ստեփանյանը։

Самоходная артиллерийская установка 2СЗМ Акация - Sputnik Արմենիա
Ինչո՞ւ է Ռուսաստանը զորավարժություններ անցկացնում Կովկասի 5 տարածաշրջանում

Միջազգային մրցումները կանցկացվեն 6-րդ անգամ։ Խաղերը կմեկնարկեն օգոստոսի 23-ին «Բանակ-2020» ֆորումի հետ մեկտեղ և կավարտվեն սեպտեմբերի 5-ին։ Ավելի վաղ Ռուսաստանի պաշտպանության նախարար Սերգեյ Շոյգուն նշել էր, որ այս տարի խաղերին 90 պետություն է հրավիրվել, այդ թվում՝ ՆԱՏՕ–ի անդամ–երկրները։ Ակնկալվում է 250 թիմի ժամանում, ընդհանուր առմամբ շուրջ 5 հազար մարդ։

Ինչ վերաբերում է հայկական զորախմբին, Ստեփանյանի խոսքով,  մրցույթին ներգրավված են հատուկ նշանակության ստորաբաժանումներ, ռադիացիոն, քիմիական և կենսաբանական պաշտպանության զորքեր, ռազմական ոստիկանության ծառայողներ,  սպառազինության և թիկունքի, հրթիռային զորքերի և հրետանու վարչություններ։

Ի՞նչն է մտահոգիչ թուրք-ադրբեջանական զորավարժություններում. ՀՀ ՊՆ մեկնաբանությունը

Ստեփանյանը հավելեց, որ «Բանակ-2020» ֆորումում նախատեսված է ՊՆ և ԶՈւ Գենշտաբի առանձին պատվիրակությունների մասնակցությունը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала