Ինչ կանոններ կգործեն գրադարաններում ու թանգարաններում. Ավինյանի որոշումը

© Sputnik / Armenuhi MkhoyanДом-музей Фрунзика Мкртчяна в Гюмри
Дом-музей Фрунзика Мкртчяна в Гюмри - Sputnik Արմենիա
Բաժանորդագրվեք
Դիմակ դնելը մի շարք հաստատություններում պարտադիր պահանջ է շարունակվում մնալ. առանց դիմակի գրադարան կամ թանգարան այցելել չենք կարող։

ԵՐԵՎԱՆ, 19 օգոստոսի – Sputnik. ՀՀ պարետ Տիգրան Ավինյանի որոշմամբ` մշակութային և ուսումնական կենտրոնների գործունեության համար նոր կանոններ են սահմանվել:

Вице-премьер Тигран Авинян на заседании правительства Армении (6 июня 2019). Еревaн - Sputnik Արմենիա
Համերգները կթույլատրվեն, հաղորդավարները որոշ դեպքերում դիմակ չեն դնի․ պարետի նոր որոշումը

Մասնավորապես, յուրաքանչյուր ընթերցողի վերադարձրած գիրքը պետք է առանձնացվի և չտրամադրվի մեկ ուրիշին առնվազն 1 օր։ Բացի այդ, ընթերցասեղանների մոտ այցելուների նստեցումը պետք է իրականացվի` ապահովելով նրանց միջև առնվազն 1.5 մետր սոցիալական հեռավորություն։

«Թանգարանների դեպքում էլ պետք է բացառվի թղթե տեղեկատվական նյութերի շրջանառումը, հպվող էկրանների, այլ ինտերակտիվ միջոցների օգտագործումը։ Իսկ հնարավորության դեպքում սրահներն անհրաժեշտ է վերազինել ինֆորմացիոն վահանակներով, մոնիտորներով, պրոյեկցիաներով՝ հավաքածուների հետ շփումը հեռավար և անհպում կազմակերպելու նպատակով»,–նշված է պարետի որոշման մեջ։

Ինչ վերաբերում է ոչ ֆորմալ և շարունակական կրթության հաստատություններին, ապա յուրաքանչյուր խմբի դասընթացը սկսելուց առաջ պետք է կատարվի մասնակիցների ջերմաչափում, ինչպես նաև նրանք պետք է պարտադիր դիմակ դնեն։

Բացի այդ, կարգելվի մշակութային որևէ միջոցառմանն առանց դիմակի մասնակցելը։ Միջոցառումից առաջ պետք է հանդիսատեսին ջերմաչափեն։ Միջոցառման ժամանակ պետք է ապահովվի բեմահարթակից մինչև հանդիսատես առնվազն 6 մետր սոցիալական հեռավորություն։

Հիշեցնենք` օգոստոսի 12-ին կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով, բայց մեղմացնել երկրում գործող որոշ սահմանափակումները։

Ո՞ւր կթռչեն հայկական ընկերությունների ինքնաթիռները, և ի՞նչ է անում Քաղավիացիայի կոմիտեն

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала