Հիվանդ երեխաների օգնական ու ընկեր ռոբոտ Ռոբինը. Փաշինյանը նոր տեսանյութ է հրապարակել

Բաժանորդագրվեք
Ռոբինը մտապահում է երեխաներին, որոնց հետ շփվում է, ու յուրաքանչյուրի հետ խոսելիս հիշում է՝ ինչ հիվանդություն ունի երեխան ու ինչի մասին է խոսել։

ՀՀ վարչապետ Նիկոլ Փաշինյանը Facebook–ի իր էջում նոր տեսանյութ է հրապարակել, որում ներկայացվում է  երկու երիտասարդների պատմությունը, որոնք 2017 թվականից սկսել են ուսումնական ռոբոտներ պատրաստել` հիմնելով Expper Technologies ընկերությունը։

«Մեր գաղափարն այն էր, որ կապ ստեղծենք երեխաների և ռոբոտի միջև, որպեսզի երեխաներն ավելի մոտիվացված լինեն և Չառլի անունով ռոբոտին ավելի լավը դարձնեն»,–ասում է Expper Technologies ընկերության համահիմնադիր, տնօրեն Կարեն Խաչիկյանը։

Робот, излучающий ультрафиолетовые лучи для устранения вируса в воздухе или на поверхности в аэропорту (7 мая 2020). Ницца, Франция - Sputnik Արմենիա
Գիտնականները կորոնավիրուսը «սպանող» ռոբոտ են ստեղծել

Նրա խոսքով` երբ տեսնում էին, որ երեխաները վազում են ռոբոտի հետևից, ուրախանում էին և որոշում` այդ գաղափարն ավելի լայն կիրառում պետք է ունենա, որն էլ հենց հիմք է հանդիսացել Ռոբին անունով ռոբոտի ստեղծման համար։

«Մենք չենք փորձում ստեղծել խաղալիք երեխաների համար։ Ռոբինի վարքը, խոսքը, էմոցիաները պետք է նման լինեին երեխային։ Ռոբինը երեխա է, որն ապրում է հիվանդանոցում։ Նրա խոսքի մեջ կան հոգեբանական էլեմենտներ, որոնք օգնում են երեխաներին սթրեսը հաղթահարել»,–ասում է Խաչիկյանը։

Ռոբոտը ոչ թե պարզապես տեղաշարժվում է ու էկրանի վրա բառեր գրում, նրա հույզերը կախված են իրավիճակից ու իրեն ուղղված խոսքերից, իր տեսած դեմքի արտահայտությունից։ Այսինքն` եթե երեխան, ասենք, բղավի ռոբոտի վրա՝ կորի գնա, հիմար, ռոբոտը հերթական անգամ չի կրկնի՝ ամեն ինչ լավ է լինելու, ընկեր, այլ կպատասխանի. «Մի բարկացիր, Արմեն (կամ Կարինե, կամ Պետյա, կամ Ջոնի), դա մեզ չի օգնի։ Դու առողջ ես լինելու։ Գիտես, չէ՞՝ դու ինչքան ես բոլորին պետք»։ Ռոբոտը մտապահում է երեխաներին, որոնց հետ շփվում է, ու յուրաքանչյուրի հետ խոսելիս հիշում է՝ ինչ հիվանդություն ունի երեխան ու ինչի մասին է խոսել։

Նրա խոսքով `սկսել են նոր Ռոբինի նախագծման պրոցեսը, որը ձեռքեր կունենա, կկարողանա ավելի ճկուն շարժվել, որպեսզի երեխաների հետ շփման ընթացքն ավելի բնական դառնա։

Ավելի վաղ պատմել էինք, որ Expper Technologies հայկական ընկերության ռոբոտը շուտով կարող է աշխատել ամերիկյան հիվանդանոցներում։ Նա կընկերակցի հիվանդանոց տեղափոխված երեխաներին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала