Ռոմանոս Պետրոսյանը դիմել է որսի սիրահարներին

© Sputnik / Asatur YesayantsРоманос Петросян
Романос Петросян - Sputnik Արմենիա
Շրջակա միջավայրի նախարարը շեշտում է, որ կենդանական աշխարհի շատ տեսակներ վտանգված են և գրանցված միջազգային ու հայկական կարմիր գրքերում։

ԵՐԵՎԱՆ, 25 օգոստոսի – Sputnik. Շրջակա միջավայրի նախարար Ռոմանոս Պետրոսյանը Facebook-ի իր էջում բեզոարյան այծի ձագերի լուսանկարներ է հրապարակել Խոսրովի անտառից ու հորդորել ավելի սրտացավ լինել շրջակա միջավայրի նկատմամբ։

«Սիրելի հայրենակիցնե՛ր, Հայաստանի կենդանական աշխարհի շատ տեսակներ վտանգված են և գրանցված միջազգային ու հայկական կարմիր գրքերում: ՀՀ որսորդական հասարակական կազմակերպություններին և պարզապես որսի սիրահար մեր քաղաքացիներին հորդորում եմ դրսևորել գիտակից վարք և ներդրում ունենալ տարածաշրջանի կենսաբազմազանության պահպանության և վերականգնման գործում»,–գրել է նախարարը։

Պետրոսյանի խոսքով`շրջակա միջավայրի նկատմամաբ հոգատար վերաբերմունքը պետք է դառնա մեր առօրյա կյանքի ու գործունեության անքակտելի մասը։

Բեզոարյան այծերը՝ Կովկասյան կենսաբազմազանության ապաստարանում (CWR) - Sputnik Արմենիա
Բացառիկ կադրեր. հայաստանյան լեռներում ցատկոտում են 10-ից ավելի բեզոարյան այծեր

«Մենք պարտավորված ենք հաջորդ սերունդներին փոխանցել անխաթար բնաշխարհ»,–շեշտել է նախարարը։

Նշենք, որ Բեզոարյան այծը գրանցված է եղել ԽՍՀՄ կարմիր գրքում: 1996 թ-ից գրանցված է ԲՊՄՄ կարմիր ցուցակում` «խոցելի» (Vulnerable) կարգավիճակով:

Ներկա պահին բեզոարյան այծերի թվաքանակը Հայաստանում կազմում է 1000–1500 առանձնյակ:

Բեզոարյան այծի տեսակի արեալը ներառում է Սևանի լեռնաշղթան (գ. Շորժայի շրջակայքերը), Գեղամա լեռնաշղթայի արևմտյան լանջերը («Խոսրովի անտառ» արգելոց), Գառնու, Ուրծի, Վարդենիսի, Վայոց ձորի, Զանգեզուրի, Բարգուշատի, Մեղրու լեռնաշղթաները և Նորավանքի կիրճը: Մեկուսացած խմբերը պահպանվել են Խուստուփ լեռան վրա, գ. Որոտանի կիրճում, գ. Արփայի հովտի վերին մասում: Փամբակի լեռնաշղթայում և Արագածի վրա տեսակն ամբողջովին անհետացել է:

Լուռումունջ ընդունված որոշման մեծ աղմուկը. նախարարության գործելաոճը զարմացրել է ՀԿ–ներին

Հիշեցնենք` 2019 թվականի դեկտեմբերին բեզոարյան այծի որսի դեպք էր գրանցվել Արարատի մարզում։

Ոստիկանները պարզել էին, որ ՊՊԾ դասակի ոստիկան, Վեդիի բնակիչ 24-ամյա Էդգար Սարգսյանը «Կոթոբուլախ» կոչվող վայրում իրեն պատկանող «Վեպր 5.45» տեսակի ակոսափող հրազենով կրակել էր Բեզոարյան այծի ուղղությամբ, այնուհետև մորթել, մաշկել և տեղափոխել տուն։ 

Տխուր սիրո պատմություն. Կարմիր գրքի հովազը Հայաստանում փնտրում է իր կեսին և չի գտնում

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала