ԵՐԵՎԱՆ, 26 օգոստոսի - Sputnik. 80 միլիարդ արժողությամբ երեք հարյուր քսան միլիարդ խորանարդ մետր գազ․ ավելի քան լուրջ է հնչում։ Վերլուծաբանները սկսել են գնահատականները տալ ու միկրոտնտեսական կանխատեսումներ անել Սև ծովում գազի պաշարներ հայտնաբերելու մասին Անկարայի հայտարարություններից հետո։
Էրդողանի «գազային հեղափոխությունը»․ փորձագետը ցույց է տվել բլեֆի և իրականության սահմանը
Քննարկում են՝ արդյո՞ք Թուրքիան կարող է բավարարել իր պահանջները կամ նույնիսկ կկարողանա՞ արդյոք առնվազն տարածաշրջանային նշանակության արտահանող դառնա։ Ոմանք մտավախություն են հայտնում «Թուրքական հոսքի» վերաբերյալ, ոմանք էլ հաշվարկում են արդյունահանման արժեքը։
Իրականում պարզվեց, որ ամեն ինչ ավելի պարզ է, ենթադրություններն էլ պետք է անել՝ հանրապետության ներքին իրադարձությունների հաշվարկով։ Ռահմի Տուրանը, որը թուրքական Sözcü պարբերականի հեղինակներից է, հիշեցնում է՝ երկրում արդեն քաղաքական ավանդույթ է ձևավորվել՝ ընտրություններից առաջ հայտնել նավթ կամ գազ գտնելու մասին։
Առաջիկա ընտրությունները 2023 թվականին են, կարծես թե շուտ է ծավալուն փիառ-քարոզարշավի համար։ Բայց հենց այդ ժամանակ է իշխանությունը պատրաստվում սկսել արդյունահանումը․ այնպես որ երեք տարի անց վերնագրերը կարող են էլ ավելի վառ, ամպագոռգոռ ու նշանավոր դառնալ։
Թուրքիան հիմա գրեթե ամբողջությամբ կախված է արտասահմանյան «երկնագույն վառելիքից», ու ընտրություններից առաջ ընտրողներին հուսադրելը կարևոր է։ Քանի որ դա ներկայացվում է երկրի գրեթե բոլոր տնտեսական խնդիրների լուծման լավագույն տարբերակ։
Sözcü-ում դրա հետ համաձայն չեն․ նախ՝ քիչ հավանական է, որ երեք տարվա մեջ հանրապետությունը կկարողանա հարթեցնել արդյունահանման ու վերամշակման բոլոր գործընթացները։ Երկրորդն էլ՝ առաջիկա յոթ տարիների արտադրանքի շեմը տարեկան 8-10 միլիարդ խորանարդ մետրն է, իսկ դա միայն Թուրքիայի պահանջների մեկ հինգերորդն է։ Եթե անգամ ամբողջական էներգետիկ անկախություն լինի էլ, ապա, նյութի հեղինակի խոսքով, այն շուտ չի լինի։
Նա նշում է, որ Արդարություն ու զարգացում կուսակցության վերջին 18 տարվա կառավարման ընթացքում թուրքերն արդեն ինն անգամ բուռն կերպով ուրախացել են հայտնաբերած նավթի մասին լուրերի կապակցությամբ։ Իսկ ածխաջրածնային նախընտրական ավանդույթի սկիզբը դրվել է շատ վաղուց, առնվազն 65 տարի առաջ, երբ վարչապետը Դեմոկրատական կուսակցության առաջնորդ Ադնան Մենդերեսն էր։
«Դուք կվճարեք դրա համար»․ Անկարան սպառնացել է ԱՄՆ-ին Էրդողանի հասցեին Բայդենի ասածի համար
Այն ժամանակ թերթերը աղմկահարույց վերնագրեր էին գրում․ «Թրակիայում նավթի հարուստ հանք է հայտնաբերվել»։ Բայց արդյո՞ք դա «նոր դարաշրջանի սկիզբ» դարձավ ու բերեց հանրապետության էներգետիկ անկախության։ Ակնհայտ է, որ ոչ։
