ԵՐԵՎԱՆ, 26 օգոստոսի – Sputnik. Т-14 «Արմատա» ռուսական տանկի անօդաչու տարբերակի ստեղծողներին հաջողվել է լուծել մի խնդիր, որը բնորոշ է հեռակա կառավարմամբ ցանկացած մեքենայի։ National Interest-ում հրապարակված հոդվածում նման կարծիք է հայտնել ամերիկացի հրապարակախոս Պիտեր Սուչիուն, փոխանցում է ՌԻԱ Նովոստին։
Ավելի վաղ հայտնի էր դարձել, որ Т-14 «Արմատա» նորագույն ռուսական տանկն անցել է փորձարկումներն անօդաչու ռեժիմում։
Հեղինակը կարծում է, որ տեխնիկան «իրավիճակային տեղեկացվածությամբ» ապահովելը հեռակա կառավարման սարքերի կարևորագույն հարցն է։ Т-14-ի ստեղծողները գտել են դրա պատասխանը՝ տանկի ամբողջ կորպուսի վրա լայնանկյուն տեսախցիկներ են տեղադրել։ Դրանք 360 աստիճան դիապազոնում տեսնելու հնարավորություն են տալիս, նաև անձնակազմին իրավիճակի մասին տվյալներ են հաղորդում։
Հրապարակախոսի կարծիքով՝ տանկի մեկ այլ ինովացիոն առանձնահատկությունն «անմարդաբնակ» աշտարակն է։ Այն ներառում է 125 միլիմետրանոց հեռակա կառավարվող 2А82-1М հիմնական ողորկափող թնդանոթը, որն ավտոմատ կերպով է լիցքավորվում։
Ռուսաստանը չպետք է ներքաշվի ԱՄՆ–ի տիեզերական սպառազինության մրցավազքում
Փորձագետը ուշադրություն է հրավիրել այն փաստին, որ Т-14–ը շարժվում է 90 կիլոմետր ժամ արագությամբ։ Նա ենթադրել է, որ դա մեքենան դարձնում է ավելի շարժական, քան ամերիկյան M-1 Abrams տանկը։
Ընդգծվում է, որ ռուսական նոր տանկը կկարողանա հետախուզական գործողություններ իրականացնել, մասնակցել թիրախների որոշման գործընթացին ու ինքնագնաց հրետնային սարքավորումների, «մակերես-օդ» հրթիռային համակարգերի ու նույնիսկ Т-90 տանկերի կրակի շտկմանը։
Т-14-ը երրորդ հետպատերազմյան սերնդի աշխարհի միակ տանկն է, որը նախատեսված է հակառակորդի հետ անմիջական շփման մեջ մարտ վարելու, մոտոհրաձգային ստորաբաժանումների հարձակման, ամրաշինական կառույցների աջակցման համար։ Այն նախատեսված է նաև թաքստոցներում ու բաց տեղանքում հակառակորդի կենդանի ուժի դեմ կիրառելու համար։
«Մենք գրեթե նույն հակառակորդներն ունենք». Տոնոյանը` Ռուսաստանում
