«Իմ հրաժարականի հարցը չի քննարկվում». ԿԳՄՍ նախարար

© Sputnik / Asatur YesayantsМинистр образования, науки, культуры и спорта Араик Арутюнян по окончании церемонии награждения лучших спортсменов 2019 года (21 февраля 2020). Еревaн
Министр образования, науки, культуры и спорта Араик Арутюнян по окончании церемонии награждения лучших спортсменов 2019 года (21 февраля 2020). Еревaн - Sputnik Արմենիա
Բաժանորդագրվեք
Արայիկ Հարությունյանն ասում է` դեռ 2 տարի առաջ էր կանխորոշել, որ կրթության ոլորտի փոփոխությունները ցավով են ընդունվելու։

ԵՐԵՎԱՆ, 28 օգոստոսի – Sputnik. ԿԳՄՍ նախարար Արայիկ Հարությունյանը վստահեցնում է, որ իր հրաժարականի հարցը չի քննարկվում։ Հարությունյանն Ազգային ժողովում լրագրողների հետ զրույցում հայտարարեց այս մասին` անդրադառնալով այս օրերին իր հրաժարականի պահանջով բողոքի ակցիաներին։

«Ըմբռնումով եմ մոտենում բողոքի ակցիաներին։ Երբ 2018-ին քննարկում էր գնում, թե ինչ բարեփոխումներ են գնալու ոլորտում, ես ասել եմ, որ այդ բարեփոխումները ցավագին և ծանր են լինելու։ Ես ասել եմ, որ բարեփոխումները վերաբերելու են շատերին և առաջացնելու են դժգոհություններ»,–ասաց Հարությունյանը։

Նրա խոսքով` իր դեմ բողոքող խումբը կոնկրետ պատճառ ունի, իսկ հանրակրթական չափորոշիչների բովանդակային մասով կա՛մ գաղափար չունեն, կա՛մ էլ կեղծում են։

Акция протеста против министра образования, науки, культуры и спорта (24 августа 2020). Еревaн - Sputnik Արմենիա
ԿԳՄՍՆ–ի դիմաց կազմակերպված բողոքի ակցիայի մասնակիցներից մի քանիսին բերման ենթարկեցին

Հարությունյանը նշեց` նրանք ստում են, երբ ասում են, որ նախնական զինվորական պատրաստականություն առարկան դուրս է գալիս, սեպտեմբերից սեռական դաստիարակություն առարկա է մտնում ծրագրերում կամ էլ` Հայկական լեռնաշխարհի դեպքում Անատոլիա է գրված։

Հարությունյանը նշում է, որ մարդիկ, որոնք ներգրավված են փողոցային պայքարում, ոլորտում արատավոր գործունեություն են ծավալել, իսկ բարեփոխումները մեծ վնաս են հասցնում նրանց շահերին։ 

Հարցին, թե բողոքի ակցիանե՞րն են պատճառը, որ սկսել է այլևս հանրային տրանսպորտից չօգտվել` նախարարն ասաց, որ շաբաթ–կիրակի օրերին տրանսպորտից է օգտվում, ամեն երեկո զբոսնում է։

«Արայիկ, հեռացիր». Երևանում պահանջում են ԿԳՄՍ նախարարի հրաժարականը

Հիշեցնենք` կրթական չափորոշիչների փոփոխության նախագիծ է մշակվել, ըստ որի` մի շարք առարկների հատկացված դասաժամեր կրճատվելու են։

Բացի այդ, «Հայոց եկեղեցու պատմություն» առարկան միավորվելու է այլ առարկաների հետ և որպես առանձին առարկա չի դասավանդվելու։

«Հայ գրականության» առարկայից էլ դուրս էին մնացել միջնադարի գրողների գործերը։ Նախատեսվող այս փոփոխությունը քննարկման և քննադատության տեղիք է տվել։ Մի քանի օր է` Երևանում բողոքի ակցիաներ են անցկացվում Արայիկ Հարությունյանի հրաժարականի պահանջով։

ԿԳՄՍՆ–ն նոր հաղորդագրություն է տարածել բուհ չընդունված դիմորդների բողոքների վերաբերյալ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала