«Ամոթ և խայտառակություն». հայ շախմատիստները քննադատել են ՖԻԴԵ-ին

© Sputnik / Владимир ВяткинГроссмейстер Левон Аронян на турнире по быстрым шахматам (рапид) чемпионата мира по рапиду и блицу 2019 (28 декабря 2019). Москвa
Гроссмейстер Левон Аронян на турнире по быстрым шахматам (рапид) чемпионата мира по рапиду и блицу 2019 (28 декабря 2019). Москвa - Sputnik Արմենիա
Բաժանորդագրվեք
Հայ շախմատիստներն իրենց վրդովմունքն են հայտնել` առցանց օլիմպիադայում տեղի ունեցած վերջին զարգացումների շուրջ։

Երևան, 30 Օգոստոս-Sputnik. Առաջատար հայ գրոսմայստերներ Լևոն Արոնյանը, Էլինա Դանիելյանը քննադատել են շախմատի միջազգային ֆեդերացիային (ՖԻԴԵ), որը, անտեսելով հայկական կողմի բողոքը, առաջին օնլայն Օլիմպիադայի հաղթող է ճանաչել Ռուսաստանի և Հնդկաստանի թիմերին:

Հայաստանի հավաքականը հրաժարվեց շարունակել մասնակցությունը շախմատի առցանց օլիմպիադային

«Կարծում եմ, ինչպես միշտ, որոշ մարդիկ ինտերնետից ավելի քիչ են անջատվել, քան մյուսները»,- Twitter-ում գրել է Լևոն Արոնյանը՝ գրառումն ուղեկցելով #1984 թեգով՝ նկատի ունենալով Ջորջ Օրուելի հակաուտոպիստական սիրավեպը:

«ՖԻԴԵ-ում իսկապես կարծում են, որ իրենք բոլորից խելացի են, իսկ մյուսները՝ ապուշ։ Ամոթ և խայտառակություն նրանց՝ իրենց փչացած և գարշահոտ գործունեության համար։ Այս ամենից հետո նրանք պետք է հրաժարական տան։ Սա մեծ խայտառակություն է շախմատային աշխարհում»,- թվիթերյան իր էջում գրել է Էլինա Դանիելյանը։

Մրցաշարի 1/4 եզրափակիչում հաղթեց Ռուսաստանի հավաքականը։ Առաջին փուլն ավարտվեց ոչ ոքի՝ 3: 3: Երկրորդ փուլնում ՝ 4,5։ 1,5 հաշվով հաղթել է ռուսական թիմը, սակայն Հնդկաստանը բողոքարկել է վերջին երկու պարտիաների արդյունքները, քանի որ կապը chess.com սերվերի հետ ընդհատվել էր։ Այդ պարտիաներում հաղթանակ են տարել նաև ռուս շախմատիստները։

ՖԻԴԵ-ն որոշել է հաղթանակ պարգևել երկու թիմերին, թեև բողոքարկման բավարարման դեպքում անհրաժեշտ էր շարունակել պարտիաները կապի կորստի պահից:

Լևոն Արոնյանը կրկին հաղթում է. Հայաստանը քառորդ եզրափակիչում է

​Համաշխարհային շախմատային օնլայն օլիմպիադայի քառորդ եզրափակիչի առաջին խաղում Հայաստանի հավաքականը նվազագույն հաշվով պարտվեց Հնդկաստանին: Սակայն հայկական պատվիրակությունը բողոքարկեց գրոսմայստեր Հայկ Մարտիրոսյանի պարտիայի արդյունքը, որը չէր կարողացել քայլ անել ծրագրի խափանման պատճառով։ ՖԻԴԵ-ն, սակայն, չի ընդունել հայկական կողմի բողոքը։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала