«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները

© Photo : provided by Lilit KhachaturyanТревел-блогер Лилит Хачатурян
Тревел-блогер Лилит Хачатурян - Sputnik Արմենիա
Լիլիթ Խաչատուրյանը վստահեցնում է, որ ավելի քան տասը ժամ տևած վերելքը շատ բան է փոխել իր աշխարհայացքում և ստիպել է մտածել կյանքի առաջնահերթությունների մասին։

ԵՐԵՎԱՆ, 3 սեպտեմբերի – Sputnik. Թրևլ–բլոգեր Լիլիթ Խաչատուրյանը 14 ժամվա ընթացքում նվաճել է Արագածի բոլոր չորս գագաթները։ Նա այդ վերելքը ձեռքբերում ու մարտահրավեր է համարում։

© Photo : provided by Lilit KhachaturyanԱրագած
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Արագած

Ամեն ինչ սկսվել է մի օտարերկրացու հետ զրույցից. վերջինս պատմել է Լիլիթին, որ հաղթահարելով բոլոր չորս բարձունքները` կարելի է մի քանի ժամ ընդմիջումով տեսնել տարվա բոլոր չորս եղանակները։ Լիլիթը վարակվել է այդ մտքով ու նպատակ դարձրել։

© Photo : provided by Lilit KhachaturyanԱրագած
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Արագած

Վերջին մի քանի ամիսների ընթացքում նա հաղթահարել էր Արայի լեռան գագաթը, եղել Իշխանասար, Ուղտասար, Աժդահակ և Խուստուփ լեռներում։ Միևնույն ժամանակ Լիլիթն իրեն ալպինիստ չի համարում և խոստովանում է, որ Արագած բարձրանալը հեշտ չէր, իսկ յուրաքանչյուր հաջորդ բարձունքը հաղթահարելը` ավելի ու ավելի դժվար։

© Photo : provided by Lilit KhachaturyanԼիլիթ Խաչատուրյան
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Լիլիթ Խաչատուրյան

Ուղեկիցները Ստեփան Ադամյանն ու Գարեգին Կանեցյանն էին, որոնք մոտիվացնում էին նրան ու օգնում չհանձնվել, երբ ուժերը լքում էին, ու մարտական տրամադրվածությունը տեղի էր տալիս։

Կրկին խաբված զբոսաշրջիկներ. այս անգամ ո՞ր տուրիստականն է «գցել ու թռել»

«Արագածը ինձ ճիպոտեց։ Ամբողջ ճանապարհին խոսում էի լեռան հետ։ Ինձ համար Արագածը ուժեղ հայ տղամարդ է, որին խնդրում էի օգնել։ Այս վերելքը շատ բան փոխեց իմ մեջ։ Բացի այն, որ ես ավելի ուշադիր և ինքնակազմակերպված դարձա, աշխարհայացքիս մեջ ևս փոփոխություններ տեղի ունեցան», – պատմում է թրևլ–բլոգերը։

© Photo : provided by Lilit KhachaturyanԼիլիթ Խաչատուրյան
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Լիլիթ Խաչատուրյան

Լիլիթը խոստովանում է, որ հիմա արդեն ավելի հաճախ է բարձունքներ հաղթահարելու, քանի որ հետաքրքրությունն աստիճանաբար ավելանում է, զգում է սարերի մագնիսական ուժը։ Ըստ նրա` լեռների վրա ցանկացած խնդիր ավելի մանր է թվում, իսկ դրանց լուծումներն էլ արագ են գտնվում ։ Բլոգերի համոզմամբ` սա թերապիայի կամ ինքնաճանաչման պես մի բան է։

Միևնույն ժամանակ նա համոզված չէ, որ բոլորին խորհուրդ կտա նվաճել Արագածի բոլոր գագաթները, քանի որ իսկապես հեշտ գործ չէ։

© Photo : provided by Lilit KhachaturyanԼիլիթ Խաչատուրյան
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Լիլիթ Խաչատուրյան

Նրան ուղեկցող Ստեփան Ադամյանն էլ կարծում է, որ բոլոր չորս գագաթների հաղթահարման ժամանակ ամենակարևորը ֆիզիկական պատրաստվածությունն է ու տրամադրվածությունը։ Նման քայլի են դիմում հիմնականում փորձառու լեռնագնացները, որոնք խնդիրներ չունեն կլիմային վարժվելու հետ և քայլելու հատուկ տեխնիկա ունեն։ Անփորձների համար վերելքը շատ դժվար է և համեմատաբար ավելի երկար է տևում։

© Photo : provided by Lilit KhachaturyanՍտեփան Ադամյան
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Ստեփան Ադամյան

«Մենք Լիլիթի հետ այլ լեռներ էլ ենք հաղթահարել, և ես մոտավորապես գիտեի` ինչպիսի պատրաստվածություն նա ունի։ Համոզված էի, որ կկարողանա։ Ի սկզբանե նախատեսում էինք բարձրանալ 12-14 ժամվա ընթացքում և տեղավորվեցինք այդ ժամանակի մեջ։ Նրա համար մի փոքր դժվար էր, բայց նա հիանալի հաղթահարեց, թեև որոշակի կանգառներ այնուամենայնիվ ստիպված եղանք անել»,– պատմեց նա։

© Photo : provided by Lilit KhachaturyanԼիլիթ Խաչատուրյանը, Ստեփան Ադամյանն ու Գարեգին Կանեցյանը
«Արագածը ինձ ճիպոտեց». ինչպես բլոգեր Լիլիթը մեկ օրում նվաճեց լեռան չորս գագաթները - Sputnik Արմենիա
Լիլիթ Խաչատուրյանը, Ստեփան Ադամյանն ու Գարեգին Կանեցյանը

Արագած բարձրանալու ցանկություն ունեցողներին Ստեփանը խորհուրդ է տալիս հետևել ուղեկցորդների խորհուրդներին, վերցնել համապատասխան հագուստ և կոշիկներ, ջուր և այլ անհրաժեշտ պարագաներ։ Նա վստահեցնում է` Լիլիթը լսում էր բոլոր խորհուրդները։ Ի դեպ, բարձունքը հաղթահարելուց հետո Ստեփանը նրան անակնկալ է մատուցել` նվիրելով երկօրյա հանգիստ Սևանա լճում, որտեղ նա կարողացել է հանգստանալ և ազատվել վերելքից հետո առաջացած մկանացավերից։ Դա բոնուս էր համարձակ աղջկա համար, որը չվախեցավ հասնել իր նպատակին։

Երազանքի թևերով. ինչպես լոռեցի երեխաների կախազարդերը կյանքի կոչեցին նրանց երազանքը

Նշենք, որ Արագածի հյուսիսային գագաթի բարձրությունը 4090 մետր է, արևմտյանը` 4001 մետր, արևելյանը` 3916 մետր, իսկ հարավայինը` 3879 մետր։

Յոթ սարի հետևում. վլոգերն առաջարկում է Հայաստանում գտնել հեքիաթն ու բացահայտել աշխարհը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала
Միջազգային
InternationalEnglishԱնգլերենMundoEspañolԻսպաներեն
Եվրոպա
DeutschlandDeutschԳերմաներենFranceFrançaisՖրանսերենΕλλάδαΕλληνικάՀունարենItaliaItalianoԻտալերենČeská republikaČeštinaՉեխերենPolskaPolskiԼեհերենСрбиjаСрпскиՍերբերենLatvijaLatviešuԼատիշերենLietuvaLietuviųԼիտվերենMoldovaMoldoveneascăՄոլդովերենБеларусьБеларускiԲելառուսերեն
Հարավային Կովկաս
ԱրմենիաՀայերենՀայերենАҧсныАҧсышәалаԱբխազերենХуссар ИрыстонИронауՕսերենსაქართველოქართულიՎրացերենAzərbaycanАzərbaycancaԱդրբեջաներեն
Մերձավոր Արևելք
Sputnik عربيArabicԱրաբերենTürkiyeTürkçeԹուրքերենSputnik ایرانPersianՊարսկերենSputnik افغانستانDariԴարի
Կենտրոնական Ասիա
ҚазақстанҚазақ тіліՂազախերենКыргызстанКыргызчаՂրղզերենOʻzbekistonЎзбекчаՈւզբեկերենТоҷикистонТоҷикӣՏաջիկերեն
Արևելյան և Հարավարևելյան Ասիա
Việt NamTiếng ViệtՎիետնամերեն日本日本語Ճապոներեն俄罗斯卫星通讯社中文(简体)Չինարեն (պարզեցված)俄罗斯卫星通讯社中文(繁体)Չինարեն (ավանդական)
Հարավային Ամերիկա
BrasilPortuguêsՊորտուգալերեն