ԵՐԵՎԱՆ, 5 սեպտեմբերի – Sputnik. ՀՀ նախագահ Արմեն Սարգսյանը շնորհավորել է Գյումրու տոնը։ Նրա շնորհավորանքը հրապարակվել է ՀՀ նախագահի աշխատակազմի ֆեյսբուքյան էջում։
«Գյումրին յուրօրինակ քաղաք է, հարուստ՝ գեղեցիկ պատմությամբ ու սրտաբաց մարդկանցով։ Նա առաջարկելու շատ բան ունի՝ և՛ սեր, և՛ ջերմ միջավայր, և՛ մշակույթ, և՛ համեղ ուտելիք... Ամեն ինչ։ Հաճախակի՛ այցելենք Գյումրի՝ վայելելու նրա ինքնատիպ մարդկային ու մշակութային կոլորիտը»,– ասել է նախագահը։
Գյումրին սիրելու նուրբ արվեստը, կամ ինչպես Դերենիկը գնեց Դերենիկի տունը
Հիշեցնենք` այս տարի «Գյումրու օր» տոնակատարությունը՝ պայմանավորված աշխարհում տիրող համավարակային իրավիճակով և Հայաստանում հայտարարված արտակարգ դրությամբ, անցկացվելու է առցանց ՝ «Իմ սեր Գյումրի» խորագրով։ Գյումրու օրվա կապակցությամբ այսօր հնարավոր է առցանց էքսկուրսիա կատարել Ասլամազյան քույրերի պատկերասրահ, Գյումրու պատմության թանգարան, Հովհաննես Շիրազի հուշատուն–թանգարան, Գյումրու համայնքային ցուցասրահ, Ավետիք Իսահակյանի տուն–թանգարան, Մհեր Մկրտչյանի թանգարան, «Մայր Հայաստան» հուշահամալիր։ Ժամը 20։00-ին տոնական առցանց համերգ է նախատեսված։ «Դեղձանիկ» վոկալ-էստրադային համույթի սաները տոնի առթիվ խաղաղության ու սիրո յուրօրինակ կոչով են հանդես եկել։ Գյումրու քաղաքապետարանի մշակույթի և երիտասարդության հարցերի բաժինը հրապարաել է նրանց «Հաղթել սիրով» երգը։
Ինչպես գյումրեցի տղամարդը սկսեց յուրօրինակ կտավներ ստեղծել գրչով
Գյումրու ավագանին հունիսի 10-ին կայացած նիստում քաղաքի օրվա միջոցառումների կազմակերպման համար 8 մլն դրամ էր հատկացրել, այնքան, որքան 2019թ-ի տոնակատարության համար։ Քաղաքապետն ու ներկաները հույս էին հայտնել, որ համավարակը կնահանջի և քաղաքի օրը հնարավոր կլինի նշել մեծ շուքով։
Աճեմյանցիները 6 ամիս անց «պարտքը» տվեցին երեխաներին. բացօթյա ներկայացում Գյումրիում
