«Թունավոր» օղու դեպքով մեղադրյալը կալանավորվեց. երրորդ թեստի պատասխանը բացասական էր

© Sputnik / Asatur YesayantsАвтомобиль службы доставки еды у дома жителя города Армавира Ашота Овсепяна
Автомобиль службы доставки еды у дома жителя города Армавира Ашота Овсепяна - Sputnik Արմենիա
Բաժանորդագրվեք
Ալկոհոլային զանգվածային թունավորման դեպքով մեղադրյալ Աշոտ Հովսեփյանը ներկա է եղել դատական նիստին։

ԵՐԵՎԱՆ, 7 սեպտեմբերի — Sputnik. Արմավիրում ալկոհոլային զանգվածային թունավորման դեպքով մեղադրյալ Աշոտ Հովսեփյանը կալանավորվեց։ Sputnik Արմենիայի հետ զրույցում լուրը հայտնեց նրա պաշտպան Գոռ Գևորգյանը` հավելելով, որ քիչ առաջ նման որոշում կայացրեց Երևանի ընդհանուր իրավասության դատարանը։

Больниная койка в медицинского центра Сурб Асвацамайр - Sputnik Արմենիա
Ալկոհոլային թունավորումից մահվան 3 նոր դեպք է արձանագրվել Հայաստանում

«Աշոտ Հովսեփյանը Սուրբ Գրիգոր Լուսավորիչ բուժկենտրոնում էր, քանի որ նրա մոտ թոքաբորբ էր հայտնաբերվել։ Նա երեք անգամ կորոնավիրուսի թեստ էր հանձնել, որոնցից առաջինի պատասխանը դրական էր, երկրորդինը` բացասական, իսկ երրորդինը` նորից բացասական։ Քանի որ բացասական էր թեստի պատասխանը, Հովսեփյանն ինքնակամ ներկայացավ այսօր կայանալիք դատական նիստին»,–ասաց Գևորգյանը և հավելեց, որ իր պաշտպանյալն առողջական լուրջ խնդիրներ ունի։

Քննչական կոմիտեից տեղեկանում ենք, որ նույն քրգործով անցնող մյուս երկու ձերբակալվածները նույնպես կալանավորվել են։

Հիշեցնենք, որ ավելի վաղ Sputnik Արմենիայի հետ զրույցում պաշտպանը ասել էր, որ Հովսեփյանին առաջադրված մեղադրանքն էլ տեղին չէ, նա ուղղակի բարեխիղճ մոլորության մեջ է ընկել։ Գևորգյանն ասել էր, որ Հովսեփյանը կարծել է, թե ցորենի մաքուր սպիրտ է գնել, մտքի ծայրով անգամ չի անցել, որ իր պատրաստած օղին կարող է որևէ մեկի կյանքը խլել։

Sputnik Արմենիան այցելել էր Արմավիր` Հովսեփյանի բնակության վայր։ Նրա հարևանները հայտնել էին` վստահ են, որ Աշոտ Հովսեփյանի «գլխին սարքել» են, քանի որ նա երբեք դիտավորյալ մեթիլ սպիրտ չէր խառնի խմիչքին։

Մեթիլ սպիրտի տոկոսը գերազանցվել է. ավարտվել է «թունավոր» օղու փորձաքննությունը

Կալանավորվածներին մեղադրանք է առաջադրվել ՀՀ քրեական օրենսգրքի 207-րդ հոդվածի (կեղծ գինի կամ կեղծ օղի կամ ալկոհոլային կեղծ այլ խմիչք իրացման նպատակով պատրաստելը կամ իրացնելը) 2-րդ մասով:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала