«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում

© Пресс-служба президента Республики Беларусь / Անցնել ֆոտոբանկПрезидент Белоруссии А. Лукашенко дал интервью российским журналистам
Президент Белоруссии А. Лукашенко дал интервью российским журналистам - Sputnik Արմենիա
Բաժանորդագրվեք
Բելառուսի նախագահ Ալեքսանդր Լուկաշենկոն հարցազրույց է տվել ռուսական հեռուստաալիքներին՝ մեկնաբանելով երկրում տիրող իրավիճակը, ինչպես նաև ներկայացրել իր կարծիքը մի շարք հարցերի վերաբերյալ։

ԵՐԵՎԱՆ, 8 սեպտեմբերի – Sputnik. Բելառուսի նախագահ Ալեքսանդր Լուկաշենկոն չի պատրաստվում հեռանալ պաշտոնից, թեև հնարավոր է համարում արտահերթ ընտրությունների անցկացումը սահմանադրական բարեփոխումներից հետո: Բելառուսի նախագահը նման կարծիք է հայտնել ռուսական հեռուստաալիքներին տված հարցազրույցում։

Президенты России и Беларуси Владимир Путин и Александр Лукашенко на торжественной церемонии закрытия Вторых Европейских игр (30 июня 2019). Минск - Sputnik Արմենիա
ՌԴ–ի և Բելառուսի ղեկավարները կրկին զրուցել են. Լուկաշենկոն խնդրանքով է դիմել Պուտինին

Լուկաշենկոն սեպտեմբերի 8-ին հարցազրույց է տվել Ռոսիա Սեգոդնյայի և RT-ի գլխավոր խմբագիր Մարգարիտա Սիմոնյանին, ռուսական Առաջին ալիքի թղթակից Անտոն Վերնիցկուն, «Вести»-ի հաղորդավար Եվգենի Ռոժկովին, ինչպես նաև «Говорит Москва» ռադիոյի գլխավոր խմբագիր Ռոման Բաբայանին:

«Այո, հնարավոր է, որ ես մի քիչ երկար մնացի։ Հնարավոր է, որ ինձ ցույց են տալիս ոչ միայն հեռուստացույցով, այլև արդուկով ու թեյնիկով։ Բայց այս պահին միայն ես կարող եմ պաշտպանել Բելառուսը»,-ասել է Լուկաշենկոն։

© Пресс-служба президента Республики Беларусь / Անցնել ֆոտոբանկԲելառուսի նախագահ Ալեքսանդր Լուկաշենկոն հարցազրույց է տվել ռուս լրագրողներին
«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում - Sputnik Արմենիա
Բելառուսի նախագահ Ալեքսանդր Լուկաշենկոն հարցազրույց է տվել ռուս լրագրողներին

Միաժամանակ, Լուկաշենկոն զգուշացրել է, որ մտադիր չէ ամեն ինչ թողնել ու հեռանալ։

«Ես քառորդ դար շարունակ կարգի եմ բերել Բելառուսը։ Հենց այնպես այս ամենը չեմ լքելու։ Բացի այդ, եթե ես հեռանամ, իմ կողմնակիցներին կկոտորեն»,-հայտարարել է նա։

Մեկնաբանելով իր ինքնաձիգով ներկայանալու դեպքերը Լուկաշենկոն ասել է, որ դա միայն մեկ բան էր նշանակում՝ ինքը ոչ մի տեղ չի փախել և պատրաստ է մինչև վերջ պաշտպանել երկիրը։

«Մարդկային առումով ինձ համար շատ վիրավորական է, բայց հասկանում եմ, որ հիմա բողոքող մարդկանց մի մասը պարզապես չգիտեն, թե ինչպիսին է եղել Բելառուսը 20 տարի առաջ, մի մասն էլ մոռացել է դա»,- նկատել է նախագահը։

© Пресс-служба президента Республики Беларусь / Անցնել ֆոտոբանկԲելառուսի նախագահ Ալեքսանդր Լուկաշենկոն հարցազրույց է տվել ռուս լրագրողներին
«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում - Sputnik Արմենիա
Բելառուսի նախագահ Ալեքսանդր Լուկաշենկոն հարցազրույց է տվել ռուս լրագրողներին

Լուկաշենկոն կրկնել է, որ արտահերթ նախագահական ընտրություններ հնարավոր են, բայց միայն սահմանադրական բարեփոխումներից հետո։

Նա նշել է, որ երկխոսություն չի վարելու ընդդիմության Համակարգող խորհրդի հետ, քանի որ չգիտի, թե «ովքեր են այդ մարդիկ»։ Լուկաշենկոն նրանց ընդդիմադիր չի համարում։

«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է

«Այն ամենը, ինչ նրանք առաջարկում են, ողբերգություն է Բելառուսի և բելառուս ժողովրդի համար։ Նրանք ուզում են խզել մեր բոլոր կապերը եղբայրական Ռուսաստանի հետ, ուզում են, որ մենք վճարովի կրթություն և բժշկություն ունենանք։ Նրանք ուզում են, որ մեր բոլոր ձեռնարկությունները ոչնչացվեն, իսկ աշխատողները գործազուրկ դառնան»,- պարզաբանել է նախագահը։

© Пресс-служба президента Республики Беларусь / Անցնել ֆոտոբանկRT-ի գլխավոր խմբագիր և Ռոսիա Սեգոդնյայի և լրատվական գործակալության գլխավոր խմբագիր Մարգարիտա Սիմոնյանը՝ Բելառուսի նախագահ Ալեքսանդր Լուկաշենկոյի հարցազրույցի ժամանակ
«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում - Sputnik Արմենիա
RT-ի գլխավոր խմբագիր և Ռոսիա Սեգոդնյայի և լրատվական գործակալության գլխավոր խմբագիր Մարգարիտա Սիմոնյանը՝ Բելառուսի նախագահ Ալեքսանդր Լուկաշենկոյի հարցազրույցի ժամանակ

Ինչ վերաբերում է բելառուսական ընդդիմության Համակարգող խորհրդի նախագահության անդամ Մարիա Կոլեսնիկովային, ապա, Բելառուսի նախագահի խոսքով, նա ձերբակալվել է սահմանը հատելու կանոնները խախտելու համար։ Ինչպես նշել է Լուկաշենկոն, նախորդ գիշեր Կոլեսնիկովան, երկու ուղեկիցների հետ միասին, անցած գիշեր փորձել է Ուկրաինա մեկնել։

«Պատրաստ եմ ազգային առաջնորդ դառնալ». Տիխանովսկայան նոր ուղերձ է հղել բելառուսցիներին

«Սահմանային անցակետում նրանք փաստաթղթեր են ներկայացրել Բելառուսի սահմանապահներին, ինչից հետո նրանց թողել են Բելառուսի Հանրապետության և Ուկրաինայի միջև գտնվող տարածքը։  Այստեղ, կրկնակի ստուգումից հետո, Կոլեսնիկովային մեքենայից դուրս են նետել, իսկ նրա ուղեկիցներին հաջողվել է անցնել Ուկրաինայի տարածք»,-պատմել է Բելառուսի նախագահը։

Լուկաշենկոյի կարծիքով՝ Մինսկում ընթացող բողոքի ակցիայի հետևում կանգնած երկրին պետք է ոչ թե Բելառուսը, այլ Ռուսաստանը։

Оппозиционный кандидат в президенты Беларуси Светлана Тихановская во время митинга-встречи с избирателями (23 июля 2020). Борисов - Sputnik Արմենիա
Բողոքի ակցիաները Բելառուսում չեն դադարի և անվերջ կշարունակվեն․ Տիխանովսկայա

«Մենք գիտենք, թե ովքեր են կանգնած այդ բոլոր Telegram-ալիքների հետևում։ Ամերիկացիներն են։ Մենք բոլորս պետք է հասկանանք, որ հիմա խնդիրը Բելառուսը չէ։ Նրանց գլխավոր նպատակը Ռուսաստանն է։ Այնպես որ դուք էլ մի թուլացեք»,- համոզմունք է հայտնել երկրի առաջնորդը։

Խոսելով երկու երկրերի միջև հարաբերությունների մասին, նա հայտարարել է, որ Մինսկը պատրաստ է շարունակել ինտեգրացիան։

«Մենք պատրաստ ենք շարունակել Ռուսաստանի հետ ինտեգրացիան, բայց առաջին հերթին պետք է իրապես աշխատեն Տնտեսական միության շրջանակում գոյություն ունեցող ինստիտուտներն ու նախագծերը»,- շեշտել է Բելառուսի նախագահը։

Հիշեցնենք` օգոստոսի 9-ին Բելառուսում անցկացվել են նախագահական ընտրություններ։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Տիխանովսկայան այժմ Լիտվայում է։

Բելառուսում հարյուրավոր ցուցարարներ են ձերբակալվել. տեսանյութ

Օգոստոսի 16-ին երկրում տեղի են ունեցել Բելառուսի ժամանակակից պատմության մեջ ամենախոշոր բողոքի ցույցերը:

Պաշտոնական տվյալներով՝ առաջին օրերին ավելի քան 6,7 հազար մարդ է ձերբակալվել։ Ինչպես հաղորդել է հանրապետության ՆԳՆ-ն, անկարգությունների ընթացքում տուժել են հարյուրավոր մարդիկ, այդ թվում՝ իրավապահ մարմինների ավելի քան 120 աշխատակից: Բելառուսի իշխանությունների տվյալներով՝ մահացել է բողոքի ակցիայի երեք մասնակից։

«Կյանքում առաջին անգամ ծնկի եմ գալիս ձեր առջև»․ Լուկաշենկոն դիմել է աջակիցներին․ տեսանյութ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала