ԵՐԵՎԱՆ, 8 սեպտեմբերի — Sputnik. Ֆրանսիայի նախագահ Էմանուել Մակրոնն իր նախկին խորհրդական մեր հայրենակից Աստրիդ Փանոսյանին պարգևատրել է «Վաստակի համար» ազգային շքանշանով:
Ելիսեյան պալատում գեղեցիկ արարողության ժամանակ Փանոսյանը ճանաչվել է Մերիտի ազգային շքանշանի ասպետ։ Տեղեկությունը Twitter-ի իր միկրոբլոգում գրել է Ֆրանսիայում Հայաստանի արտակարգ և լիազոր դեսպան Հասմիկ Տոլմաջյանը։
Mes très cordiales félicitations à @AstridPanosyan à l’occasion de la remise des insignes de Chevalier de l’Ordre national du Mérite par le Président @EmmanuelMacron lors d’une belle cérémonie à l’Elysée. Une distinction bien méritée pour cette femme de conviction et de cœur ! pic.twitter.com/mNhVRGMSBg
— Hasmik Tolmajian (@tolmajian) September 8, 2020
Աստրիդ Փանոսյանը «Առաջ Հանրապետություն» ֆրանսիական կենտրոնամետ լիբերալ քաղաքական կուսակցության համահիմնադիրն է: Կուսակցությունը հիմնադրվել է 2016թ. ապրիլի 6-ին։ Նա նաև Unibail-Rodamco SE ռիելթորական ընկերության տնօրենն ու վարչության անդամն է, գլխավոր գործադիր տնօրենը։
Աստրիդ Փանոսյանը հավակնում է դառնալ Ֆրանսիայի աշխատանքի և սոցիալական հարցերի նախարար
Բացի այդ, Փանոսյանն աշխատել է Ֆրանսիայի էկոնոմիկայի, արդյունաբերության և թվային տեխնոլոգիաների նախարարի խորհրդական, որտեղ պատասխանատու էր տնտեսական գրավչության և միջազգային ներդրումների համար:
Աստրիդ Փանոսյանը Ֆրանսիայի կոմերցիայի Բարձրագույն դպրոցի և Փարիզի Քաղաքական հետազոտությունների IEP ինստիտուտի շրջանավարտ է։ Ֆրանսահայ Հարվարդի համալսարանում ստացել է պետական կառավարման մագիստրոսի աստիճան:
