ԵՐԵՎԱՆ, 8 սեպտեմբերի – Sputnik. Նախօրեին մահացել է Հայաստանի և Արցախի մեծ բարեկամ, չեխ լրագրող Դանա Մազալովան։ ՀՀ արտգործնախարար Զոհրաբ Մնացականյանը այդ կապակցությամբ ցավակցություն է հայտնել Twitter–ի իր էջի միջոցով։
Deeply saddened about the passing of celebrated #Czech journalist & lawyer Dana #Mazalová. She leaves behind huge legacy of promoting truth and justice in impartial and professional coverage of #NagornoKarabakh conflict pic.twitter.com/U1D9dHrvAp
— Zohrab Mnatsakanyan (@ZMnatsakanyan) September 8, 2020
«Խորապես վշտացած եմ հայտնի չեխ լրագրող և իրավաբան Դանա Մազալովայի մահվան կապակցությամբ։ Նա մեծ ժառանգություն է թողել` ԼՂՀ հակամարտության անաչառ և պրոֆեսիոնալ լուսաբանման հարցում ճշմարտության և արդարության ներկայացում», – գրել է Մնացականյանը։
Դանան 1992 թվականին «Նեզավիսիմայա գազետայում» Ադրբեջանի նախկին նախագահ Այազ Մութալիբովի հետ հրապարակած հայտնի հարցազրույցի հեղինակն է։ Հարցազրույցում Մութալիբովը Խոջալուի ջարդերում մեղադրել էր ադրբեջանական կողմին։ Մինչ Ադրբեջանում առաջ էր մղվում Խոջալուում «հայերի վայրագությունների» մասին տեսակետը, Մազալովան բացահայտել էր ճշմարտությունը նախկին նախագահի հետ հարցազրույցի օգնությամբ։ «Նեզավիսիմայա գազետայում» հրապարակած հարցազրույցում Մութալիբովը մասնավորապես ասել էր. «Խոջալուի փրկված բնակիչներն ասում են, որ այդ ամենը կազմակերպվել էր, որպեսզի իմ պաշտոնանկության համար առիթի լինի։ Ինչ–որ ուժ էր գործում նախագահին վարկաբեկելու համար։ Միջանցք, որով մարդիկ կարող էին հեռանալ, հայերն այնուամենայնիվ թողել էին։ Այդ դեպքում հայերի ինչի՞ն էր պետք կրակելը»։
Ինչպես որոշեցին անկախության և ինքնորոշման տարբերությունը. Կոսովոյին կարելի է, Արցախին` ո՞չ
Բացի այդ չեխ լրագրող Մազալովան «Երկիր Արարատի ներքո» վավերագրական ֆիլմի հեղինակն է (ֆիլմը պատմում է 1988 թվականի դեկտեմբերին Հայաստանում տեղի ունեցած երկրաշարժի մասին), նա նաև հոդվածներ ու վավերագրական ֆիլմեր է նկարահանել արցախյան հակամարտության մասին։
