Ջուլֆալակյանին չեն պարտադրել. Լիլիթ Մակունց

© Sputnik / Aram NersesyanРуководитель фракции "Мой шаг" Лилит Макунц ответила на вопросы журналистов перед зданием Дома правительства Армении (20 мая 2019). Еревaн
Руководитель фракции Мой шаг Лилит Макунц ответила на вопросы журналистов перед зданием Дома правительства Армении (20 мая 2019). Еревaн - Sputnik Արմենիա
Բաժանորդագրվեք
Լիլիթ Մակունցը հայտնել է, որ «Իմ քայլը» խմբակցության անդամները հանդիպում են ունեցել Արսեն Ջուլֆալակյանի հետ ու մանրամասն քննարկել ստեղծված իրավիճակը:

ԵՐԵՎԱՆ, 14 սեպտեմբերի — Sputnik. Արսեն Ջուլֆալակյանի նկատմամբ պարտադրանք չի եղել, որ մանդատը վայր դնի: Այսօր լրագրողների հետ զրույցում, մեկնաբանելով պատգամավորի որոշումը, հայտնեց ԱԺ «Իմ քայլը» խմբակցության ղեկավար Լիլիթ Մակունցը:

«Հարգելով պարոն Ջուլֆալակյանի որոշումը՝ մենք համաձայն չենք այդ քայլի հետ»,- ասաց նա՝ հավելելով, որ, եթե կան տարաձայնություններ, դրանք պետք է քննարկել և ոչ թե մանդատը վայր դնել:

Борец Арсен Джулфалакян - Sputnik Արմենիա
Կարևորը պայքարի արդյունքն է. Ջուլֆալակյանը խախտել է լռությունը

Մակունցը նաև հայտնեց, որ երեկ «Իմ քայլը» խմբակցության անդամները հանդիպում են ունեցել Արսեն Ջուլֆալակյանի հետ ու մանրամասն քննարկել ստեղծված իրավիճակը:

Խմբակցության ղեկավարը չհամաձայնեց լրագրողների դիտարկմանը, թե խորհրդարանական երկրում ԱԺ-ի մեծամասնությունը չպիտի միշտ կառավարության տեսակետը հաստատողի դերում լինի, իսկ մեծամասնության պատգամավորը՝ կառավարության հետ անհամաձայնության դեպում գերադասի հրաժարվել մանդատից։ «Նման բան չկա և չի կարող լինել: Եվ ես կարծում եմ, որ մենք ոչ միայն ԱԺ պատգամավորի նկատմամբ հարգանք դրսևորելով նման ձևակերպումներ չպիտի տանք, այլև տվյալ պարագայում գործ ունենք աշխարհի չեմպիոնի հետ: Նաև այդ արժանիքների համար կարծում եմ` չարժե նման շեշտադրումներ անել»:

Ինչ վերաբերում է առկա տարաձայնություններին, որոնց մասին ակնարկել էր նաև Ջուլֆալակյանը, Լիլիթ Մակունցը չցանկացավ մեկնաբանել՝ նշելով, որ Ջուլֆալակյանն ինքն է խնդրել իր մեկնաբանություններից ավելի ոչինչ չհայտնել:

Այդուհանդերձ, խմբակցության ղեկավարը հիշեցրեց, որ Արսեն Ջուլֆալակյանն օրենքով նախատեսված ժամանակ ունի դիմումը հետ վերցնելու ու առաջարկեց չշտապել եզրահանգումներ անել:

Միայն նախարարն է պատճառը, թե այլ գործոններ էլ կան. Աղազարյանը՝ Ջուլֆալակյանի որոշման մասին

Հիշեցնենք` սեպտեմբերի 9-ին Արսեն Ջուլֆալակյանը Facebook-ի իր էջում հայտնել էր, որ դիմել է ՀՀ ԱԺ նախագահ Արարատ Միրզոյանին` պատգամավորական մանդատը վայր դնելու կապակցությամբ։

Նրա խոսքով՝ իր հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են նրա ենթակայության տակ գտնվող ոլորտների ներկա կառավարման մոտեցումների վերաբերյալ:

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված:

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала