«Հայ եկեղեցու պատմության» հարցով նախարարը և կաթողիկոսը հանդիպել են. ի՞նչ են պայմանավորվել

© Sputnik / Aram NersesyanКатоликос Гарегин Второй во внутреннем дворике отреставрированной резиденции Католикоса
Католикос Гарегин Второй во внутреннем дворике отреставрированной резиденции Католикоса - Sputnik Արմենիա
ԿԳՄՍ նախարարը մանրամասներ հայտնեց, թե կաթողիկոսի հետ հանդիպման ընթացքում ինչ են որոշել «Հայ եկեղեցու պատմություն» առարկայի ճակատագրի առնչությամբ։

ԵՐԵՎԱՆ, 16 սեպտեմբերի - Sputnik. «Հայ եկեղեցու պատմություն» առարկան դպրոցական ծրագրերից հանելու առնչությամբ ԿԳՄՍ նախարար Արայիկ Հարությունյանը հանդիպել է Ամենայն Հայոց Կաթողիկոս Գարեգին Բ–ի հետ։ Այսօր հրավիրված ասուլսիի ժամանակ հայտնեց Արայիկ Հարությունյանը։

В Первопрестольном Святом Эчмиадзине совершен обряд благословения работников образования (11 сентября 2020). Эчмиадзин - Sputnik Արմենիա
Հայոց եկեղեցու պատմությունը պիտի դասավանդվի որպես առանձին առարկա. Գարեգին Բ

«Գարեգին Բ-ի հետ 4 ժամ քննարկել ենք տարբեր հարցեր։ Կա պայմանավորվածություն, որ ԱԺ կրթական և մշակութային ենթահանձնաժողովներում կլինեն քննարկումներ։ Ավելորդ ինտրիգներ խնդրում եմ չփնտրել»,–ասաց Հարությունյանը։

Իսկ ինչ վերաբերում է կրթության չափորոշիչների առնչությամբ ակադեմիական որոշ շրջանակների արձագանքին, ապա դրա պատճառը, ըստ նախարարի, այն է, որ նրանք զրկվել են կրթության բյուջեի կերակրատաշտից։

Հարությունյանի խոսքով` ակադեմիական որոշ շրջանակներ ստացել են հոնորարներ, այդ թվում` պատմության դասագրքեր կեղծելով։

«Իմ քայլում» կան մարդիկ, որոնք կրթության չափորոշիչները բացասական են գնահատում. Հովսեփյան

«Թող մեզ անվանեն ապազգային, իրենց պատմություն կեղծելն՝ ազգային»,–ասաց նախարարը։

Նախարարը հավաստիացրել է, որ քանիցս նշել են՝ առարկայական չափորոշիչներն ուղղակի աշխատանքային տարբերակն է, և դա նույնիսկ նախագիծ չէ։ Սա նշանակում է, որ ցանկացած մեկը կարող է առաջարկություններ ներկայացնել։

Министр образования, науки, культуры и спорта Араик Арутюнян на заседании правительства Армении (24 октября 2019). Еревaн - Sputnik Արմենիա
Յուրաքանչյուր բուհ իրավասու է հայոց լեզուն և պատմությունը դարձնել պարտադիր. ԿԳՄՍՆ

Հիշեցնենք` կրթական չափորոշիչների փոփոխության նախագիծ է մշակվել, ըստ որի` մի շարք առարկների հատկացված դասաժամեր կրճատվելու են։ Բացի այդ, «Հայոց եկեղեցու պատմություն» առարկան միավորվելու է այլ առարկաների հետ և որպես առանձին առարկա չի դասավանդվելու։ Մասնագետները քննադատել էին այս փոփոխությունը։

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն իր մտահոգությունն էր հայտնել «Հայոց եկեղեցու պատմություն» առարկայի` դպրոցական ծրագրից հանելու և առարկաների մեջ տարրալուծելու համար։ Նա նշել էր, որ «Հայոց եկեղեցու պատմությունը» պիտի դասավանդվի որպես առանձին առարկա։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала