Բժիշկներից քանի՞սն են ունեցել Covid-19–ի հակամարմիններ. բնակիչները և՞ս կթեստավորվեն

© Sputnik / Aram NersesyanМедицинский центр Арташат
Медицинский центр Арташат - Sputnik Արմենիա
Բաժանորդագրվեք
НовостиTelegram
Կորոնավիրուսի հակամարմինների թեստավորման առաջին փուլն ավարտվել է։ Sputnik Արմենիան ներկայացնում է, թե քանի բուժաշխատող է հետազոտվել և ինչ են փաստում հետազոտման արդյունքները։

ԵՐԵՎԱՆ, 20 սեպտեմբերի - Sputnik. ՀՀ առողջապահության նախարարության և Հայաստանի Ամերիկյան համալսարանի Թրփանճեան հանրային առողջապահության ֆակուլտետի համատեղ ջանքերով 14 բուժհաստատությունների 1148 բուժաշխատողներ հակամարմինների թեստ են հանձնել։

 Единый экзамен по английскому языку в старшей школе № 29 им. Андраника Маргаряна (2 июля 2020). Еревaн - Sputnik Արմենիա
Դպրոցների անձնակազմը կորոնավիրուսի թեստ է հանձնում. շուրջ 30 000 անձ կթեստավորվի

Առողջապահության նախարարությունից Sputnik Արմենիային հայտնեցին, որ նրանց 14,98 տոկոսի մոտ հայտնաբերվել են կորոնավիրուսի դեմ հակամարմիններ:

«Հետազոտության արդյունքների համաձայն` հակամարմինների տարածվածությունը բուժաշխատողների շրջանում մոտ 3 անգամ գերազանցում էր նախկինում ՊՇՌ-ով հաստատված կորոնավիրուսի տարածվածությանը»,– նշում են նախարարությունից։:

Արդյունքները փաստում են նաև, որ հակամարմինների տարածվածությունը ռենտգենոլոգների մոտ ավելի մեծ է եղել, քան մյուս մասնագետների։

Հայաստանի ամերիկյան համալսարանի Հանրային առողջապահության ֆակուլտետի դեկան Վարդուհի Պետրոսյանը մեզ հետ զրույցում տեղեկացրեց, որ նախարարության հետ իրականացվող ծրագիրը բաղկացած էր 2 մասից` հետազոտություն և հարցումներ։ Ծրագրի նպատակն էր պարզել կորոնավիրուսի տարածվածությունը բուժաշխատողների շրջանում։

Նոր կարանտին, նոր տուգանքներ. որ դեպքում ինչքան է նախատեսված

«Արդյունքներից ելնելով էլ պարզ դարձավ, որ կորոնավիրուսի բուժմամբ զբաղվող հիվանդանոցների աշխատակիցների մոտ վիրուսի տարածվածությունն ավելին էր, քան պոլիկլինիկաների աշխատողների մոտ։ Հիվանդանոցների աշխատակիցներից 18.5, իսկ պոլիկլինիկաների` 7.9 տոկոսի մոտ հայտնաբերվել են կորոնավիրուսի հակամարմիններ»,–ասաց Պետրոսյանը։

Այն, որ ՊՇՌ թեստով կորոնավիրուսի հաստատված դեպքերը 3 անգամ քիչ են եղել, քան հակամարմինների թեստավորման պարագայում, դա, ըստ Պետրոսյանի, կախված է այն հանգամանքից, որ կա՛մ բուժաշխատողները կորոնավիրուսի ախտանշաններ չեն ունեցել, կա՛մ էլ այնպիսի աշխատանշաններ են եղել, որ չեն պատկերացրել՝ կորոնավիրուսի հետ գործ ունեն (օրինակ՝ փորլուծություն)։

Պետրոսյանի խոսքով՝ պարզվել է` հիվանդանոցային բուժաշխատողների մոտ վարակի տարածման տեմպն ավելի մեծ է եղել ապրիլին, իսկ պոլիկլինիկաներում` մայիսին։ Այսինքն` երկու դեպքում էլ վարակի տարածվածությունը մեծ է եղել այն ժամանակաշրջանում, երբ տվյալ կառույցները նոր–նոր են սկսել զբաղվել վարակի բուժմամբ։

Премьер-министр Никол Пашинян во время брифинга (9 июня 2020). Еревaн - Sputnik Արմենիա
Կորոնավիրուսի թվերն ավելանում են. վարչապետն անհանգստացած է

Մասնագետի կարծիքով` սկզբնական շրջանում գուցե բժիշկները բավարար հմտություն չեն ունեցել պաշտպանվելու, սակայն ընթացքում դասընթացներ են եղել, որոնց ժամանակ բուժաշխատողներին ներկայացվել է՝ ինչպես հագնել և հանել արտահագուստը, ինչպես պաշտպանվել վարակից։ Արդյունքը կարճ ժամանակ անց ակներև է դարձել, քանի որ հաջորդ ամիսներին նվազել է հիվանդացության մակարդակը։

Իսկ ինչ վերաբերում է բուժաշխատողների շրջանում հարցումներին, ապա դրանց նպատակն էր պարզել` կա՞ ռիսկերի տարբերություն և ինչպե՞ս է վարքագիծն ազդում կանոնները պահպանող և չպահպանող խմբերի վրա։ Հարցումներին մասնակցել են 774 բուժաշխատողներ 13 բուժհաստատություններից։ Արդյունքները փաստել են` մասնակիցների ճնշող մեծամասնությունը հետևում է վարակի վերահսկման և կանխարգելման միջոցառումներին:

Ոչնչացնել ռուսական պատվաստանյութը. մեծ քաղաքականության մանր հնարքները

Պետրոսյանն ասաց, որ այժմ համագործակցում են ինչպես առողջապահության նախարարության, այնպես էլ ԱՀԿ–ի հետ, որպեսզի կարողանան թեստեր ձեռք բերել և բնակչության շրջանում հետազոտություն իրականացնել։ Այս դեպքում նույնպես հետազոտությունը կիրականացվի երկու փուլով` ինչպես հակամարմինների թեստավորում, այնպես էլ հարցումներ։

Հիշեցնենք, որ Sputnik Արմենիան այցելել էր ՁԻԱՀ-ի կանխարգելման հանրապետական կենտրոն, որի լաբորատորիայում էլ իրականացվում է հակամարմինների թեստավորումը։ Այս թեստերի ճշգրտությունը 99.8 տոկոս է կազմում։

Լրահոս
0