Քանի նորածին է գրանցվել բժշկական կազմակերպություններում. նախարարը տվյալներ է ներկայացրել

© Sputnik / Aram NersesyanНаучно-исследовательский центр охраны здоровья матери и ребенка
Научно-исследовательский центр охраны здоровья матери и ребенка - Sputnik Արմենիա
Բաժանորդագրվեք
Արդարադատության նախարարությունը հրավիրում է բոլոր ծննդօգնություն ցուցաբերող բժշկական կազմակերպություններին միանալ «Ծննդի գրանցումը՝ ծննդատանը» ծրագրին:

ԵՐԵՎԱՆ, 23 սեպտեմբերի - Sputnik. 2020 թվականի հունիսի 20-ից առ այսօր Երևան քաղաքում գրանցվել է 5 հազար 255 ծնունդ, որից 3 հազար 688-ը՝ 7 բժշկական կազմակերպություններում տեղակայված սպասարկման կենտրոններում։ Տվյալներն իր Facebook-ի էջում ներկայացրել է ՀՀ արդարադատության նախարար Ռուստամ Բադասյանը։

«Այս ծրագրով մենք ոչ միայն նպաստեցինք յուրաքանչյուր երեխայի հիմնարար իրավունքների ու ազատությունների երաշխավորմանը, այլև խնայեցինք երեխայի ծնողների ժամանակն ու ֆինանսները»,-նշել է նախարարը։

Отец с ребенком - Sputnik Արմենիա
Նորածինների հայրերը 5-օրյա արձակուրդի իրավունք ստացան. ԱԺ–ն ընդունեց «Իմ քայլի» առաջարկը

Նրա տեղեկացմամբ՝  այսօրվա դրությամբ ծնունդները տեղում գրանցում են Երևանի հետևյալ բժշկական կազմակերպությունները՝  «Էրեբունի» բժշկական կենտրոնը, «Մոր և մանկան առողջության պահպանման» ԳՀԿ-ն, Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտը, «Շենգավիթ» ԲԿ-ն, «Ս.Գրիգոր Լուսավորիչ» ԲԿ-ն, «Գրիգոր Նարեկացի» ԲԿ-ն, «Աստղիկ» ԲԿ-ն։
Մինչև այս տարվա հոկտեմբերի 1-ը ծրագրին կմիանա Երևանում գործող «Սլավմեդ» բժշկական կազմակերպությունը, և կազդարարվի ծրագիրը մարզերում մեկնարկելու մասին․առաջինը կմիանան Գյումրու «Մոր և մանկան ավստրիական հիվանդանոցն» ու «Էջմիածին» բժշկական կենտրոնը:

Մայրը նորածին աղջկան 1 մլն 200 հազար դրամով վաճառել է. դատախազության բացահայտումը

Ծրագիրը շարունակական է, և արդարադատության նախարարությունը հրավիրում է բոլոր ծննդօգնություն ցուցաբերող բժշկական կազմակերպություններին միանալ «Ծննդի գրանցումը՝ ծննդատանը» ծրագրին:

Հիշեցնենք, որ 2020 թվականի մարտի 8-ին հայտարարվեց «Ծննդի գրանցումը՝ ծննդատանը» նախագծի մասին, որին հենց առաջին փուլում միացան Երևանի 3՝ ամենաշատ ծննդօգնություն տրամադրող բժշկական կազմակերպությունները, իսկ հունիսից՝ ևս 4-ը։ Մարտի 8-ից ՔԿԱԳ գործակալության անունից բժշկական հաստատություններում սկսեցին կատարվել երեխաների ծնունդների և նրանց նկատմամբ հայրության որոշման պետական գրանցումները, ինչպես նաև ապահովվեց երեխայի ծննդի կապակցությամբ միանվագ դրամական օգնության տրամադրման դիմումների ընդունումը:

Քանաքեռ-Զեյթունում փլուզված շենքի փլատակներից փրկարարները դուրս են բերել երկու նորածնի

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала