«Եթե չգտնեմ իմ թեկնածուին, բոլորին դեմ կքվերակեմ». Հրայր Թովմասյանը կմնա՞ ՍԴ-ում

© Sputnik / Asatur YesayantsПредседатель Конституционного суда Армении Грайр Товмасян отвечает на вопросы журналистов после проведения обыска СК (24 января 2020). Еревaн
Председатель Конституционного суда Армении Грайр Товмасян отвечает на вопросы журналистов после проведения обыска СК (24 января 2020). Еревaн - Sputnik Արմենիա
Բաժանորդագրվեք
НовостиTelegram
ՍԴ նախկին նախագահ Հրայր Թովմասյանը լրագրողների հետ զրույցում անդրադարձել է ՍԴ նախագահի ընտրություններին։ Նա ասել է` ինչ երեք հատկություն պետք է ունենա անձը, որ ինքը կողմ քվեարկի այդ մարդու օգտին։

ԵՐԵՎԱՆ, 24 սեպտեմբերի– Sputnik. ՍԴ–ն այսօր ՍԴ նախագահ և փոխնախագահ կընտրի։ Վերոհիշյալ օրակարգով դեռ երեկ սկսված և մի քանի ժամ տևած նիստն աշխատանքային օրվա ավարտով պայմանավորված հետաձգվել էր և շարունակվում է այսօր։

«ՍԴ–ում կան նոր անդամներ, պետք է որոշ հարցեր տամ նրանց։ Իմ փորձով կկիսվեմ նրանց հետ, քանի որ պատկերացնում եմ` ինչն ինչպես է կատարվում։ Սակայն եթե հարցերի միջոցով չգտնեմ իմ թեկնածուին, բոլորին դեմ կքվեարկեմ»,–ասաց Թովմասյանը։

Նրա խոսքով` նախորդ անգամ, երբ ՍԴ–ում ընտրություններ էին, տեղակալներ ընտրելու գործընթացը 5 րոպե է տևել, քանի որ բոլորը ճանաչում էին ՍԴ անդամներին։

Ամեն դեպքում, ըստ Թովմասյանի, ՍԴ նախագահի ընտրությունները պետք չէ դարի հարց դարձնել, անգամ` օրվա հարց, քանի որ ՍԴ նախագահն իր հիմնական ֆունկցիան իրականացնելիս ոչնչով չի տարբերվում ՍԴ դատավորներից։ Թովմասյանը վստահեցնում է` սա քաղաքական ընտրություններ չեն, և սա չպետք է դիտարկել որպես անձերի պայքար։

Судья Ваге Григорян заходит в здание Конституционного Суда (26 июня 2020). Еревaн - Sputnik Արմենիա
Իշխանության թեկնածուն մենակ է մնացել ՍԴ–ում. ովքե՞ր են նրան դեմ դուրս եկել. «Ժողովուրդ»

Ինչ վերաբերում է հարցին, թե կա՞ մեկը, որի թեկնածությունը կառաջադրի Թովմասյանն ինքը, կամ էլ ի՞նչն է կարևոր, որ նա կողմ քվեարկի որևէ մեկի թեկնածությանը, ապա ՍԴ նախկին նախագահը պատասխանեց` իր համար երեք գործոն է կարևոր։

«ՍԴ նախագահը ներսում և դրսում հեղինակություն պետք է լինի, մարդկային հատկանիշներն են կարևոր, ինչպես նաև վարչական, կազմակերպչական ունակությունները»,–ասաց Թովմասյանը։

Մեկ այլ հարցի, թե այսքանից հետո, երբ օրենքի փոփոխությամբ նրան ՍԴ նախագահի պաշտոնից «ազատեցին», հե՞շտ կլինի մնալ ՍԴ-ում որպես դատավոր, Թովմասյանը պատասխանեց` որ հետոյի առումով հստակ դիրքորոշում չունի։

«Հիմա դուք ասեք` ես ո՞ր իշխանության մարդն եմ». Երվանդ Խունդկարյանը կինքնաառաջադրվի՞

Հիշեցնենք` 2019թ–ին իրականացված սահմանադրական փոփոխությունների արդյունքում Հրայր Թովմասյանը կորցրել էր Սահմանադրական դատարանի նախագահի պաշտոնը, իսկ ՍԴ դատավորներ Հրանտ Նազարյանի, Ալվինա Գյուլումյանի և Ֆելիքս Թոխյանի լիազորությունները վաղաժամ դադարեցվել էին` տարիքային շեմով պայմանավորված:

2020թ–ի սեպտեմբերի 15-ին ԱԺ–ն փակ գաղտնի քվեարկությամբ նրանց փոխարեն ՍԴ դատավորների թափուր պաշտոններում ընտրեց 3 այլ թեկնածուների` Էդգար Շաթիրյանին, Արթուր Վաղարշյանին և Երվանդ Խունդկարյանին։

Նոր օրենքի համաձայն` Սահմանադրական դատարանի նախագահն ու փոխնախագահն ընտրվում են վեց տարի ժամկետով` առանց վերընտրվելու իրավունքի:

«Մեր մեջ քննարկում չի եղել». Վահե Գրիգորյանը` ՍԴ նախագահի հավանական թեկնածուի մասին

Լրահոս
0