Ուզում եմ հայրենիքիս հետ ծանոթանալ. Լեդի Գագայի հայ դիզայները ներկայացրել է աշխատանքները

© Photo : Из архива Карины АкопянЗнакомьтесь: Карина Акопян, автор волшебных костюмов Lady Gaga
Знакомьтесь: Карина Акопян, автор волшебных костюмов Lady Gaga  - Sputnik Արմենիա
Բաժանորդագրվեք
Կարինե Հակոբյանը պատմել է իր արվեստի վրա երեք բացարձակ տարբեր մշակույթների ազդեցության մասին և ներկայացրել «911» տեսահոլովակի կերպարների ստեղծման գործընթացը։

-Կարինե, եկեք խոսենք հայտնի երգչուհու համար ստեղծած ձեր 2 զգեստների մասին` «Ծաղկավոր այլմոլորակայինի» և կարմիր կարճ շապիկով համադրված լատեքսից կիսաշրջազգեստի։ Ի՞նչն է ձեզ ոգեշնչել։

–Ես աշխարհաքաղաքացի եմ, ծնվել ու մեծացել եմ Ռուսաստանում, 15 տարեկանում տեղափոխվել Լոնդոն, բայց միևնույն ժամանակ միշտ սիրել ու գնահատել եմ հայկական արմատներս։ Հետևաբար, ռուսական և հայական գեղարվեստական ժառանգությունը, ինչպես նաև առանձնակի յուրօրինակ բրիտանական ոգին ազդեցին իմ ստեղծած հագուստների վրա։

Լեդի Գագայի փարաջանովյան ոճով տեսահոլովակի դիզայները հայուհի է

Անկասկած, ես միշտ էլ ուրախությամբ եմ իմ աշխատանքներում մեր ազգային տարազի տարրերն օգտագործում. հայկական ժողովրդական կերպարներում բազմաթիվ հետաքրքիր մանրուքներ կան, որոնք հաճույքով եմ կիրառում իմ արտնախագծերում։

View this post on Instagram

For all the new followers asking about this look 👋🏻 This costume was originally created back in 2017 for a series of photographs I wanted to create. All 3 final pictures in this post are available as limited edition prints of edition of 30 that you can order through dm or my email or via my online shop linked in bio. Costume is made of leather that’s laced all the way through with floral appliqué and has painted elements. The headpiece is pointed shape inspired by shape of the Kokoshnik, (a tradional Russian headpiece).There are few cultures with a similar decorative pattern but the one that inspired me originally was on a black Khokhloma spoon. With my work I play on contrasts such as beauty and ugliness, femininity and aggression, ancient and modern, history and tales. Taking the look in the darker direction I linked it to black leather creating a character that is potentially alien shaped with long head and legs emphasised by heelless shoes. After all that the character got a nickname Floral Alien. Character also figuratively represents death itself, like a body that decomposes on the ground, that grows flowers out of it, eventually starting a new cycle of life. Like with many of the projects I work on a sketch and moodpboard and bring my ideas to @monikabereza who is a problem solving construction wizard who has been helping me bring my costume ideas to life for over 5 years now. I often paint over the structure of the costume with a pattern or illustration. Together in a similar way so far we created over 10 complete looks from my designs. #911 #ladygaga #costumedesign #costumeart

A post shared by Karina Akopyan (@karinaakopyan_) on

«Ծաղկավոր այլմոլորակայինը» իմ գործերի վրա նաև ռուսական արվեստի ազդեցության վառ օրինակ է. ոգեշնչման հիմնական աղբյուր են հանդիսացել խոխլոմայի նախշազարդերը։ Հայկական և ռուսական դեկորատիվ դետալներից բացի, փորձել եմ զգեստին նաև ճապոնական ավանդույթի տարրեր հաղորդել։ Չէ՞ որ իմ ստեղծագործական ուղու ամենասկզբում գաղափարներիս գլխավոր ոգեշնչողը  Տոշիո Սաեկին էր` նկարիչ ծագող արևի երկրից։ Բացի այդ, առանձնակի ազդեցություն է ինձ վրա գործել նաև Սերգեյ Փարաջանովի տեսողական արվեստը։

-Հարցազրույցներից մեկում ասել եք, որ ուսումնասիրել եք նրա արվեստը։ Ի՞նչ ընդհանրություն կա ձեր և Փարաջանովի միջև, որևէ հատուկ կապ զգում եք այդ վարպետի հետ։

Кадр из клипа Леди Гага 911 - Sputnik Արմենիա
Հայերեն գրություն, նուռ. Լեդի Գագան փարաջանովյան ոգով նոր տեսահոլովակ է թողարկել

- Ըստ իս` երկուսիս էլ բնորոշ է տառապանքը։ Իհարկե, իմ հոգեկան ապրումներն անհամեմատելի են փարաջանովյան ապրումների հետ, սակայն իսկապես ցավալի է ասել, որ ես ինձ որպես նկարիչ այդքան էլ հարմարավետ չէի զգում մի երկրում, որտեղ ծնվել եմ։ Ցավոք, Ռուսաստանում ստիպված եղա անհիմն քննադատության և ծաղրանքի ենթարկվել արվեստի համար, որը լայն հանրությունը չի հասկանում։ Սա ինձ համար ծանր թեմա է`հաշվի առնելով, որ ես ծնվել եմ մի ընտանիքում, որտեղ հարգում են ռուսական արժեքները։

-Փարաջանովի աշխատանքներից որո՞նք են առավել սիրված ձեր կողմից։

-Միանշանակ «Նռան գույնը» և «Մոռացված նախնիների ստվերները»։

-Ի՞նչ եք կարծում, Գագային հաջողվել է վերստեղծել «Նռան գույնը» ֆիլմի հայտնի տեսարանները։ Կարծես թե դա էր ձեր նպատակը։

-Համոզված եմ, որ դրա վերաբերյալ տարբեր կարծիքներ կան։ Ոմանք կասեն, որ Լեդի Գագան Փարաջանովի աշխատանքներն օգտագործել է իր շահերից ելնելով, մյուսները կպնդեն, որ նա ժամանակակից ձևով աշխարհին պատմում է հայկական  մշակույթի մասին։ Անձամբ ես երկրորդ տեսակետին եմ հակված։ Բացի այդ, հաշվի առնելով այն փաստը, որ հոլովակը նկարահանել է Տարսեմ Սինգհը, նկարիչ, որը սեփական ճանաչելի ոճն ունի, «911»–ը պարզապես երաժշտական տեսահոլովակ չէ։  Այն միանշանակ կարճամետրաժ գեղարվեստական ֆիլմ է։

-Խոսելով Լեդի Գագայի մասին. նա որևէ կերպ արձագանքե՞լ է ձեր աշխատանքներին։

-Նա այնքանէ հավանել, որ մի քանի լուսանկար հրապարակել էր Instagram–ի իր էջում։  Երգչուհին նույնիսկ առանձին հրապարակել է «Ծաղկավոր այլմոլորակայինին»։ Սովորաբար նա չի հրապարակում իր կերպարները։ Հավանաբար, մենք ևս մեկ համագործակցություն կունենանք։

View this post on Instagram

🚨 Can you patch the line? 🚨

A post shared by Lady Gaga (@ladygaga) on

-Մտադի՞ր եք արդյոք Հայաստան բերել «Ծաղկավոր այլմոլորակայինին»։  Հայաստանով ոգեշնչված ավելի շատ զգեստներ կկարողանա՞նք տեսնել ձեր աշխատանքներում։

-Մեծ ուրախությամբ կբերեի, բայց ինչպե՞ս։ Մնում է հուսալ, որ ինչ–որ մեկը ցանկություն կհայտնի ինձ հետ կապի դուրս գալ և հնարավոր դարձնել դա։ Շատ ուրախ ու երախտապարտ կլինեմ։ Ժամանակն է սեփական աչքերով տեսնել նախնիներիս հայրենիքը, չէ՞ որ, ցավոք, մինչ օրս ոչ մի անգամ Հայաստանում չեմ եղել։ Երջանիկ կլինեմ շտկել այդ բացթողումը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала