«Ծառուկյանը քաղբանտարկյալ է». ՀՅԴ–ն ու «Հայրենիքը» միանման հայտարարություններ են տարածել

© Sputnik / Aram NersesyanАртур Ванецян перед зданием суда, где проходит судебное заседание по делу Гагика Царукяна (17 июня 2020). Еревaн
Артур Ванецян перед зданием суда, где проходит судебное заседание по делу Гагика Царукяна (17 июня 2020). Еревaн - Sputnik Արմենիա
Բաժանորդագրվեք
НовостиTelegram
Երկու կուսակցություններն էլ հիշեցրել են հոկտեմբերի 8-ի հանրահավաքի մասին` ընդգծելով, որ այն նոր որակի իշխանության ձևավորման կարևորագույն հանգրվան է։

ԵՐԵՎԱՆ, 26 սեպտեմբերի – Sputnik. «Բարգավաճ Հայաստան» կուսակցության հետ հանրահավաք նախաձեռնած երկու ուժերը` ՀՅԴ–ն ու ԱԱԺ նախկին ղեկավար Արթուր Վանեցյանի ղեկավարած «Հայրենիք» կուսակցությունը հայտարարություններ են տարածել, որոնցում մեղադրում են իշխանություններին ԲՀԿ առաջնորդ Գագիկ Ծառուկյանի հանդեպ քաղաքական հետապնդումներ իրականացնելու մեջ։

Лидер фракции Процветающая Армения Гагик Царукян (18 июня 2020). Еревaн - Sputnik Արմենիա
Գագիկ Ծառուկյանը խցում մենակ է. պաշտպանը մանրամասներ է հայտնում նրա մասին

«Պահանջում ենք դադարեցնել իրականացվող քաղաքական հետապնդումները, փոխել Գագիկ Ծառուկյանի նկատմամբ ապօրինի կիրառված խափանման միջոցը», – ասված է ՀՅԴ–ի հաղորդագրությունում, իսկ ԱԱԾ նախկին տնօրեն Արթուր Վանեցյանի գլխավորած «Հայրենիքի» հայտարարությունն ավելի կոշտ է. «Գագիկ Ծառուկյանը քաղաքական բանտարկյալ է և պետք է անհապաղ ազատ արձակվի»։

Երկու կուսակցություններն էլ հիշեցրել են հոկտեմբերի 8-ի հանրահավաքի մասին` ընդգծելով, որ այն նոր որակի իշխանության ձևավորման կարևորագույն հանգրվան է։

«Համոզված ենք, որ հանրային համախմբմամբ է հնարավոր դիմագրավել մեր պետականությանն ուղղված բացահայտ սպառնալիքները», – ասում է ՀՅԴ–ն։ «Հայրենիքն» էլ նշում է. «ԲՀԿ առաջնորդ Գագիկ Ծառուկյանին կալանավորելու մասին որոշումով փորձ է արվում խաթարել հոկտեմբերի 8-ին Եռյակի նախաձեռնած համապետական հանրահավաքը»։

Երկու կուսակցություններն էլ նշում են, որ Հայաստանը «բախտորոշ» շրջափուլում է, իսկ «Հայրենիքում» վստահ են, որ Փաշինյանի կառավարությունը «հոգեվարքի մեջ է»։

Նշենք, որ այսօր հայտարարություն էր տարածել նաև ԲՀԿ–ն` նշելով, որ Ծառուկյանը ակնհայտ քաղբանտարկյալ է։ Դատախազությունն ի պատասխան բոլոր հայտարարությունների կոչ էր արել նման հայտարարություններ չանել` նշելով, որ Ծառուկյանի պաշտպանական կողմը ՀՀ վերաքննիչ դատարանին որևէ ապացույց չի ներկայացրել նրա` քաղաքական հետապնդումների ենթարկվելու մասին։

Հիշեցնենք, որ ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։ Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։

Երեկ` սեպտեմբերի 25-ին, Երևանի ընդհանուր իրավասության դատարանը որոշեց բավարարել Ծառուկյանին կալանավորելու` ԱԱԾ միջնորդությունը։

Լրահոս
0