Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ

© Photo / official site of the President of RAПрезидент Армен Саркисян посетил армяно-азербайджанскую границу (5 июля 2019). Сюник
Президент Армен Саркисян посетил армяно-азербайджанскую границу (5 июля 2019). Сюник - Sputnik Արմենիա
Բաժանորդագրվեք
Արմեն Սարգսյանն ուղերձով է հանդես եկել ու ասել, որ Արցախի պաշտպանության բանակն իր առաջին իսկ պատասխանով վերստին ապացուցեց, որ պատրաստ է արագորեն արձագանքել ցանկացած ռազմական գործողության:

ԵՐԵՎԱՆ, 27 սեպտեմբերի - Sputnik. ՀՀ նախագահ Արմեն Սարգսյանն ուղերձ է հղել` ասելով, որ համախմբումը մեր հաղթանակների անվերապահ գրավականն է: 

«Այս պահին պիտի մի կողմ դնենք բոլոր քաղաքական տարաձայնություններն ու անձնական հակառակությունները և դառնանք ամուր թիկունքը մեր զինված ուժերի: Ադրբեջանական հերթական ռազմական ագրեսիան պատերազմ է ողջ հայ ժողովրդի դեմ: Այդ պատերազմն ուղղված է Արցախում մարդու ազատ ապրելու իրավունքի, արժանապատիվ և խաղաղ կյանք ու ապագա ունենալու դեմ»,–իր ուղերձում ասել է նախագահը։

Արյուն հանձնելու հերթը Երևանում - Sputnik Արմենիա
Պատերազմի ժամանակ մենք բոլորս զինվորներ ենք. Արյունաբանականի հերթը Երևանում

Նրա խոսքով` Արցախի պաշտպանության բանակն իր առաջին իսկ պատասխանով վերստին ապացուցեց, որ պատրաստ է արագորեն արձագանքել ցանկացած ռազմական գործողության:

Սարգսյանը կոչ է անում, որ գործենք միասին՝ որքան էլ տարբեր լինեն մեր մտածելակերպը, աշխարհայացքը և պատկերացումները։ Նա նշել է` Հայաստանում, Արցախում, Սփյուռքում յուրաքանչյուրիս կարողությունն ու ներուժը պետք է օգտագործվեն հայրենիքի համար:

Ըստ Սարգսյանի` Հայաստանն ակնկալում է, որ միջազգային հանրությունն առաջին հերթին ԵԱՀԿ Մինսկի խմբի համանախագահ երկրների, պետությունների, միջազգային կառույցների, անհատների կողմից համարժեք և գործնական արձագանք կտա Ադրբեջանի պատերազմական գործողություններին:

Հաքերային հարձակման են ենթարկվել հայկական մի շարք ԶԼՄ–ների կայքեր

Նախագահն ասել է, որ հուսով ենք` որ միջազգային հանրության կողմից հրատապ քայլեր կձեռնարկվեն Ադրբեջանի կողմից հրահրված պատերազմը դադարեցնելու ուղղությամբ:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ:

Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրավոր ունի։

Արցախում և Հայաստանում ռազմական դրություն և համատարած զորահավաք է հայտարարվել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала