ԵՐԵՎԱՆ, 27 սեպտեմբերի– Sputnik. ՀՀ վարչապետ Նիկոլ Փաշինյանի տիկին Աննա Հակոբյանն Արցախումը։ Տեղեկությունը նա հայտնել է Facebook–ի իր էջում։
«Ստեփանակերտում եմ։ Եկել եմ արցախցի մեր քույրերի և եղբայրների կողքին լինելու»– գրել է Աննա Հակոբյանը։
Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:
«Բոլորս զինվոր ենք ու հաղթանակն էլ մերն է լինելու»․ Արթուր Ալեքսանյան
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ Հայաստանում և Արցախում ռազմական դրություն և զորհավաք է հայտարարվել։ Վաղ առավոտից կամավորական խմբեր են կազմվում ճակատ մեկնելու համար։ Առողջապահության նախարարությունն էլ արյան պահուստային քանակի լրացման համար կամավոր դոնորության կոչ է արել։
