ԵՐԵՎԱՆ, 2 հոկտեմբերի – Sputnik. Հայկական ծագում ունեցող ռուսաստանցի թենիսիստ Կարեն Խաչանովը տագնապով է հետևում Հայաստանից եկող լուրերին։ Մարզիկը գրել է այս մասին Instagram-ի իր էջում ու Հայաստանի դրոշն է հրապարակել։
«Չնայած Ռուասաստանում եմ ծնվել, միշտ ասում եմ, որ հայկական արմատներ ունեմ։ Ինձ համար շատ ծանր է տեսնել՝ ինչ է կատարվում իմ այդքան սիրած երկրում։ Հայերը չեն սկսել այդ պատերազմը ու դեն ուզում այդ պատերազմը։ Խաղաղ ու անմեղ մարդիկ ու նույնիսկ երեխաներ են սպանվում։
Դադարեցրեք պատերազմը։ Հայերը դեմ են պատերազմին», - գրել է Խաչանովը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Վերջին տեղեկություններով` հակառակորդի կրակոցների հետևանքով զոհվել են 157 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1280 զոհ ունի, 2700 վիրավոր։
«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից
Ըստ այս պահին հայտնի տեղեկությունների` Ադրբեջանը զրկվել է նաև 91 ԱԹՍ–ից, 12 ուղղաթիռից, 181 զրահատեխնիկայից, 5 ինքնաթիռից, 2 «Սմերչից» և 3 «ՏՕՍ» համակարգից։ Արցախում և Հայաստանում ռազմական դրություն և համատարած զորահավաք է հայտարարվել։
Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Հայաստանը պատրաստ է բանակցությունների, բայց կա մեկ «բայց». Փաշինյան
