Արցախի թեմի առաջնորդ Պարգև արքեպիսկոպոս Մարտիրոսյանի կոչով այսօր ուղիղ ժամը 18։00–ին Հայ առաքելական բոլոր եկեղեցիներում միասնական աղոթք հղեցին առ Աստված հանուն հաղթանակի ու խաղաղության։
«Ես կամենում եմ, որ դուք բոլորդ կայուն հավատով, արիական ոգով դառնաք մեկ բռունցք, մեկ միտք, մեկ կամք և ամեն ինչով աջակցենք մեր բանակին ու արցախահայությանը։ Մենք գիտենք, որ մեր մեջքին մայր Հայաստանն է, և մենք Մասիս սարի պես պետք է լինենք կայուն և անսասան»,–ասել էր սրբազանը միասնական աղոթքի կոչ անելիս։
Նա նշել էր, որ հայը երբեք պատերազմ չի սկսում, երբեք զինադադարը չի խախտում, բայց ամեն անգամ նենգաբար մեր դեմ սկսում են պատերազմել, և այս պայմաններում պաշտպանվելն ամեն մարդու, ամեն ժողովրդի իրավունքն է։
Sputnik Արմենիան ներկայացնում է խոսուն կադրեր այսօր կայացած համազգային աղոթքից։
Հոկտեմբերի 3. Ստեփանակերտը գիշերային ռմբակոծությունից հետո. լուսանկարներ
