«Զինուժ MEDIA»–ն տեսանյութ է պատրաստել հոկտեմբերի 1-ին հակառակորդի կողմից հրետակոծության ենթարկված Մեծ Մասրիկ գյուղի մասին։
Գեղարքունիքի մարզի այս համայնքում հակառակորդը ԱԹՍ–ից հրթիռ է արձակել, որի հետևանքով մեկ մարդ մահացել է, երկուսը վնասվածքներ են ստացել։
«Հանկարծակի ձայն լսեցինք, դուրս եկանք, չհասցրեցինք մեքենա նստել, մինչև եկանք էստեղ, տեսանք` այրվում է տունը։ Մարդը քնած է եղել։ Փնտրելով եկել ենք, տեսել` այստեղ մահացել է»,– պատմում է Մեծ Մասրիկի բնակիչներից մեկը։
Մեկ ուրիշն էլ վստահեցնում է` գյուղում խուճապ չկա. «Թուրքից մենք չենք վախենում»,– ավելացնում է նա։
Սա հայերի հողն է։ Մենք ամուր պիտի պահենք այն։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
