Պեսկովը մեկնաբանել է Ղարաբաղում սիրիացի ահաբեկիչների մասին Ասադի հայտարարությունը

© Sputnik / Алексей Дружинин / Անցնել ֆոտոբանկЕжегодная большая пресс-конференция президента РФ В. Путина
Ежегодная большая пресс-конференция президента РФ В. Путина - Sputnik Արմենիա
Բաժանորդագրվեք
Կրեմլում ուշադիր հետևում են տարբեր երկրների ղեկավարների մակարդակով արված պաշտոնական հայտարարություններին։

ԵՐԵՎԱՆ, 6 հոկտեմբերի - Sputnik. ՌԴ նախագահի մամուլի խոսնակ Դմիտրի Պեսկովը ՌԻԱ Նովոստիի հետ զրույցում մեկնաբանել է Սիրիայի նախագահ Բաշար Ասադի հայտարարությունը սիրիացի վարձկան ահաբեկիչների վերաբերյալ։ Նա նշել է՝ Կրեմլում ուշադիր հետևում են բոլոր երկրների ղեկավարների հայտարարություններին։

Փաստեր՝ ռազմական գործողություններում թուրքական կողմի և վարձկան-ահաբեկիչների ներկայության վերաբերյալ - Sputnik Արմենիա
Արցախի դեմ կռվող վարձկան ահաբեկիչները խուճապի մեջ են. ԱԱԾ–ն ապացույցներ է ներկայացրել

Հիշեցնենք՝ ՌԻԱ Նովոստիի հետ հարցազրույցում Ասադը հայտարարել էր, որ Սիրիայից ահաբեկիչներին տեղափոխում են Ղարաբաղ, և Թուրքիան օգտագործում է Սիրիայից և այլ երկրներից վարձկան ահաբեկիչներին Լեռնային Ղարաբաղում։ Նրա խոսքով՝ այդ հարցում կասկած չկա, նույն մեթոդները նա կիրառում էր նաև Լիբիայում՝ այնտեղ ահաբեկիչներ էր ուղարկել Սիրիայից, գուցե այլ երկրներից։

Ինձ բարկացնում է, որ սիրիացի վարձկաններին օգտագործում են ՀՀ–ի դեմ կռվելու համար. Ղեյտ

Նա նաև ընդգծել էր՝ Թուրքիայի նախագահ Էրդողանն է ղարաբաղյան հակամարտության սրման նոր փուլի գլխավոր նախաձեռնողը։

«Մենք մանրամասն ծանոթանում ենք բոլոր երկրների ղեկավարների հայտարարություններին»,- նշել է Պեսկովը՝ պատասխանելով լրագրողի այն հարցին, թե արդյոքը Կրեմլը ծանո՞թ է Սիրիայի նախագահի կարծիքին։

Հիշեցնենք՝ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի և Հայաստանի դեմ նրանց օգտագործելու նպատակով։

Ռազմական գործողություններին մասնակցելու համար նրանց 1,5-2 հազար դոլար են վճարել։ Այս տեղեկությունը հաստատել են ոչ միայն ՀՀ և ԱՀ իշխանությունները, միջազգային ԶԼՄ-ները և արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ և այլ երկրների իշխանությունների ներկայացուցիչներ: Ֆրանսիան և Ռուսաստանը մտահոգություն են հայտնել ղարաբաղյան հակամարտության գոտում մարտական գործողություններին Սիրիայից զինյալների մասնակցության կապակցությամբ։

Ավելի վաղ տեղեկություն էր հայտնվել, որ Լեռնային Ղարաբաղում Սիրիայից եկած 93 վարձկաններ են սպանվել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала