«Ստիպված էինք զենք վերցնել». հայ գնդերեցները օգնություն են տանում առաջնագիծ

© Sputnik / Andranik GhazaryanАрмянские и российские военнослужащие разыгрывают боевые тактические действия в рамках стратегического командно-штабного учения «Кавказ-2020» на высокогорном полигоне «Алагяз» в Армении (24 сентября 2020).
Армянские и российские военнослужащие разыгрывают боевые тактические действия в рамках стратегического командно-штабного учения «Кавказ-2020» на высокогорном полигоне «Алагяз» в Армении (24 сентября 2020). - Sputnik Արմենիա
Բաժանորդագրվեք
Yandex newsTelegram
Ամբողջ աշխարհի հայերը փորձում են օգնել զինծառայողներին, ովքեր կռվում են արցախյան ճակատում։ Հայ Առաքելական եկեղեցու հոգեւորականները բացառություն չեն։

ԵՐԵՎԱՆ, 6 հոկտեմբերի - Sputnik. Հայոց բանակում հոգևոր ծառայություն իրականացնող Հովհաննես սարկավագ Անդրյանը և Գոռ սարկավագ Գյուրջյանը ուշ գիշեր օգնություն են հասցնում Արցախի առաջնագիծ։ Այս անգամ նրանք պետք է հատուկ լապտերները փոխանցեն հրետանավորներին, որպեսզի մթության մեջ նրանք կարողանան կոորդինատները նշել և հաշվարկներ կատարել դիպուկ հարվածների համար: Sputnik Արմենիայի թղթակցին հաջողվել է նրանց հետ նույն ավտոմեքենայում լինել և մի քիչ զրուցել։

«Սա ամենափոքր բանն է, որ խավարի մեջ մեծ գործ է կատարում։ Հաջորդ անգամ կփորձենք անձրևանոցներ բերել, չէ որ եղանակը փչացել է», - պատմում է Հովհաննես սարկավագ Անդրյանը։

© Sputnik / Karen AvetisyanՀովհաննես սարկավագ Անդրյանը
«Ստիպված էինք զենք վերցնել». հայ գնդերեցները օգնություն են տանում առաջնագիծ - Sputnik Արմենիա
Հովհաննես սարկավագ Անդրյանը

Իր հերթին սարկավագ Գոռ Գյուրջյանը նշում է, որ  զինծառայողներն ուրախանում են հոգեւորականի գալով, քանի որ նաև նրա միջոցով են կապ պահպանում արտաքին աշխարհի հետ: Հոգևորականներն իրենք իրենց օգտակար են զգում, երբ զրույցների միջոցով բարձրացնում են զինվորների մարտական ոգին կամ պարզապես թուլացնում լարվածությունը։

© Sputnik / Karen AvetisyanՍարկավագ Գոռ Գյուրջյանը
«Ստիպված էինք զենք վերցնել». հայ գնդերեցները օգնություն են տանում առաջնագիծ - Sputnik Արմենիա
Սարկավագ Գոռ Գյուրջյանը

«Երբ մարդը մտածում է, որ ինքը պաշտպանելու բան չունի, հուսախաբ է լինում։ Մենք ամեն առիթի դեպքում հիշատակում ենք՝ մեր ծառայությունը մեր հայրենիքի, եկեղեցու, պետականության, ազատության, ազգային մշակույթի, արժեքների... այս ամենի համար է»,- ասում է հոգևորականն ու ավելացնում, որ զինվորների պայքարը հայրենիքի և ընտանիքների համար է, իրենք էլ՝ որպես մեծ ընտանիքի մի մասնիկ, անում են ամեն ինչ, որպեսզի զինվորներն իրենց միայնակ չզգան։

Երկու հոգևորականներն էլ նշում են, որ հակառակորդն այլ ելք չի թողել, և եկել է պահը, երբ պետք է զենք վերցնել։

«Մենք ստիպված էինք զենք վերցնել, եւ մենք փորձում ենք պաշտպանել այն ամենը, ինչ ունենք», - ասում են նրանք ու ավելացնում՝ հիմա հակառակորդի հետ պետք է զենքի լեզվով խոսել, որ հասկանան։

Լրահոս
0