ԵՐԵՎԱՆ, 7 հոկտեմբերի - Sputnik. Ուժեղանում է տարբեր երկրների վճռականությունը անմիջական հարվածներ հասցնելու ահաբեկիչներին, և միջազգային հանրության քայլերը նոր որակ են ստանում։ Լրագրողների հետ ճեպազրույցի ժամանակ ասաց Արցախի նախագահի խորհրդական Դավիթ Բաբայանը։
«Փաստը, որ ՌԴ հետախուզությունը հրապարակել է պաշտոնական տեղեկություններ, որտեղ նշվում է ահաբեկիչների Ռուսաստան ներթափանցման վտանգը, արդեն ցույց է տալիս, որ միջազգային հանրության քայլերը նոր որակ են ստանում։ Եթե Թուրքիան, լինելով ՆԱՏO անդամ, համագործակցում է ահաբեկիչների հետ և հանցավոր համաձայնության գալիս, պետք է միջազգային դատարանների մակարդակով պատասխանատվության ենթարկվի»,–ասաց Բաբայանը։
Նա նշեց, որ այժմ թշնամու նպատակն է ահաբեկել մեզ, քանի որ թիրախավորում է դպրոցները, բնակելի շենքերը, քաղաքացիական ենթակառուցվածքները։ Սա, Բաբայանի բնութագրմամբ, ռազմավարություն է և նրանց փիլիսոփայությունը, աշխարհայացքը։ Սակայն ներկայիս իրավիճակը թույլ է տալիս մտածել, որ մոտ ապագայում մեր զինված ուժերի կողմից կլինեն ավելի մեծ ճնշումներ Թուրքիայի և Ադրբեջանի վրա։
Ալիևը զանգել է Պուտինին. ռազմական գործողությունների մեկնարկից հետո սա նրա առաջին զանգն է
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 284 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
