Արայիկ Հարությունյանը պարգևատրել է Հադրութի շրջանի վարչակազմի ղեկավարին

© Sputnik / Aram NersesyanПрезидент Карабаха Араик Арутюнян во время брифинга в Едином информационном центре (11 октября 2020). Степанакерт
Президент Карабаха Араик Арутюнян во время брифинга в Едином информационном центре (11 октября 2020). Степанакерт - Sputnik Արմենիա
Բաժանորդագրվեք
НовостиTelegram
Արցախի նախագահը «Մարտական խաչ» 1-ին աստիճանի շքանշան է շնորհել նաև Հադրութի շրջանի ԱԱԾ աշխատակիցներից մեկին։

ԵՐԵՎԱՆ, 14 հոկտեմբերի – Sputnik. Արցախի Հանրապետության նախագահ Արայիկ Հարությունյանը «Մարտական խաչ» 1-ին աստիճանի շքանշանով պարգևատրել է ԱՀ Հադրութի շրջանի վարչակազմի ղեկավար Կամո Պետրոսյանին և նույն շրջանի ԱԱԾ աշխատակից Սերգեյ Միրզոյանին: Տեղեկությունը հայտնում է Արցախի նախագահի մամուլի խոսնակ Վահրամ Պողոսյանը։

«Նրանք պարգևատրվել են թշնամու սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած բացառիկ քաջության ու արիության համար»,– Facebook–ի իր էջում գրել է Պողոսյանը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Поврежденный от обстрелов дом в Гадруте - Sputnik Արմենիա
Թշնամին գիշերը թիրախավորել է Շահումյանի, Մարտակերտի և Հադրութի ուղղությունները

Հոկտեմբերի 14-ի ժամը 21:00-ի դրությամբ` հակառակորդի կրակոցների հետևանքով զոհվել են 555 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

Նշենք, որ գերիներին, մարտի դաշտում մնացած զոհերին տեղափոխելու նպատակով հոկտեմբերի 10-ին Հայաստանի, Ռուսաստանի և Ադրբեջանի արտգործնախարարների մասնակցությամբ ձեռք էր բերվել հումանիտար հրադադարի պայմանավորվածություն։ Ադրբեջանը, սակայն, այդ պայմանավորվածությունը ոչ մի րոպե չի պահպանել։ Ավելին` նույն օրը թշնամին, անտեսելով հումանիտար հրադադարի մասին պայմանավորվածությունը, դիվերսիոն հարձակում էր գործել Հադրութի ուղղությամբ։

Հադրութ քաղաքը լիարժեք գտնվում է մեր զինված ուժերի վերահսկողության տակ. Հովհաննիսյան

Լրահոս
0