Բոլորս պետք է իմանանք, որ ստեղծվել է բավականին ծանր իրադրություն. ՀՀ վարչապետ

© Photo / official site of the Prime minister of RAПремьер-министр Армении Никол Пашинян и новоизбранный президент Карабаха Араик Арутюнян посетили воинские части (9 мая 2020). Карабах
Премьер-министр Армении Никол Пашинян и новоизбранный президент Карабаха Араик Арутюнян посетили воинские части (9 мая 2020). Карабах - Sputnik Արմենիա
Բաժանորդագրվեք
НовостиTelegram
ՀՀ վարչապետ Նիկոլ Փաշինյանն ուղիղ եթերում խորնարհվեց զոհերի ընտանիքների, հարազատների ու հատկապես որդեկորույս մայրերի առաջ։

ԵՐԵՎԱՆ, 14 հոկտեմբերի — Sputnik. Այս ընթացքում մենք ունեցել ենք բազմաթիվ կորուստներ. այս պահին մեր զոհերի թիվը շատ մեծ է։ Այսօր իր տեսաուղերձում հայտարարեց ՀՀ վարչապետ Նիկոլ Փաշինյանը։

Президент Карабаха Араик Арутюнян во время брифинга в Едином информационном центре (11 октября 2020). Степанакерт - Sputnik Արմենիա
Հակառակորդին հաջողվել է ինչ–որ տեղ մխրճվել, ունենալ առավելություններ. Արցախի նախագահ

«Ես սգում եմ մեր քաջարի նահատակների համար, որոնք իրենց կյանքով պաշտպանեցին հայրենիքը, սեփական ժողովրդի ապրելու իրավունքը, պաշտպանեցին մեր ինքնությունը, արժանապատվությունն ու ապագան»,– ասաց Փաշինյանը։

ՀՀ վարչապետն ընդհատեց ելույթն ու ուղիղ եթերում խորնարհվեց զոհերի ընտանիքների, հարազատների ու հատկապես որդեկորույս մայրերի առաջ։

Փաշինյանը նաև հայտնեց, որ հակառակորդը փորձել է դիվերսիոն խմբերով ներթափանցել թիկունք ու այնտեղ խառնաշփոթ առաջացնել։ Արցախի պաշտպանական բանակը ծանր մարտերի, կորուստների գնով շարունակում է վերահսկողության տակ պահել իրավիճակը` հակառակորդին պատճառելով մարդուժի ու տեխնիկայի կորուստներ։

«Բայց բոլորս պետք է իմանանք, որ ստեղծվել է բավականին ծանր իրադրություն։ Այս արձանագրումը, սակայն չեմ անում հուսահատության կամ անելանելիության բերումով, այլ որովհետև պարտավորություն ունեմ ճշմարտության լեզվով խոսելու մեր ժողովրդի հետ` ի տարբերություն Ադրբեջանի, որ իր հանրությունից թաքցնում է հազարավոր զոհերն ու մեր հաշվարկներով` 1 մլրդ դոլարի զինտեխնիկայի կորուստը»,– ասաց Փաշինյանը։

Այդուհանդերձ, ըստ նրա, ադրբեջանա–թուրքա–ահաբեկչական դաշինքը հենց այնպես չի դադարեցնելու ագրեսիան Արցախի ու Հայաստանի նկատմամբ։

Плановые полеты российских вертолетов в Гюмри (15 июля 2020). Ширак - Sputnik Արմենիա
Մարտակերտի ուղղությամբ թշնամին կիրառել է ռազմական ավիացիա. ՊԲ

Փաշինյանն ասաց նաև, որ պատերազմի 18 օրերի ընթացքում մեր զորքերը հյուսիսային և հարավային ուղղություններով որոշակի նահանջ են ունեցել, սակայն հայտարարեց, որ մենք կանգնելու ենք մինչև վերջ։

«Եվ այդ վերջի անունն է ազատ և երջանիկ Արցախ, ազատ և երջանիկ Հայաստան»,–ասաց նա։

Այսուհետ, ըստ վարչապետի, յուրաքանչյուր հայի համար ջանքերի կիզակետը պիտի լինեն Արցախը, բանակը, առաջնագիծն ու զինվորը։

«Այսուհետ մենք մեր սուգը պիտի վերածենք ցասման, մտավախությունները` վճռականության, կասկածները` գործողության,– ասաց Փաշինյանը,– Մենք պիտի ապրենք, կերտենք մեր նոր պատմությունը, մեր նոր էպոսը, մեր նոր հերոսամարտը, մեր նոր Սարդարապատը»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Министр иностранных дел России Сергей Лавров на пресс-конференции по итогам встречи с министром иностранных дел Армении (12 октября 2020). Москвa - Sputnik Արմենիա
Մենք համաձայն չենք այն դիրքորոշման հետ, որը հնչեցրել են Թուրքիան և նախագահ Ալիևը. Լավրով

Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

Լրահոս
0