Գագիկ Ծառուկյանը կշարունակի մնալ կալանքի տակ. դատախազությունը ևս մեկ միջնորդություն մերժեց

© Sputnik / Andranik GhazaryanГагик Царукян выходит из зала суда, где проходило слушание по его делу (25 сентября 2020). Еревaн
Гагик Царукян выходит из зала суда, где проходило слушание по его делу (25 сентября 2020). Еревaн - Sputnik Արմենիա
Բաժանորդագրվեք
Արցախում ընթացող մարտական գործողությունների օրերին արդեն երկու միջնորդություն է ներկայացվել դատախազություն Գագիկ Ծառուկյանին ազատ արձայելու վերաբերյալ։

ԵՐԵՎԱՆ, 15 հոկտեմբերի — Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը կշարունակի մնալ կալանքի տակ։ ԱԺ «Լուսավոր Հայաստան» խմբակցության ղեկավար Էդմոն Մարուքյանը հայտնել է` դատախազությունը մերժել է իր` Ծառուկյանի կալանքը ստորագրությամբ փոխարինելու մասին միջնորդությունը։

Гагик Царукян выходит из зала суда, где проходило слушание по его делу (25 сентября 2020). Еревaн - Sputnik Արմենիա
Արման Թաթոյանն այցելել է Գագիկ Ծառուկյանին

«Քիչ առաջ ստացա ՀՀ գլխավոր դատախազության պատասխանն առ այն, որ ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի նկատմամբ ընտրված կալանվարումը որպես խափանման միջոց, չհեռանալու մասին ստորագրությամբ փոխարինելու վերաբերյալ առաջարկս մերժվել է»,–Facebook սոցցանցի իր էջում գրել է Մարուքյանը։

Նա հիշեցրել է, որ Ծառուկյանի խափանման միջոց կալանավորումը փոխելու առաջարկ գլխավոր դատախազին ուղարկվել էր սեպտեմբերի 28-ին՝ ելնելով պատերազմական իրավիճակից։

Դրանից առաջ` հոկտեմբերի 6-ին, հայտնի դարձավ, որ 13 կուսակցություն գրությամբ դիմել են ՀՀ գլխավոր դատախազ Արթուր Դավթյանին՝ առաջարկելով վերանայել Ծառուկյանի նկատմամբ կիրառված կալանավորման որոշումը: Հաջորդ օրը հայտնի դարձավ, որ դատախազը մերժել է միջնորդությունը։

«Ծառուկյանը քաղբանտարկյալ է». ՀՅԴ–ն ու «Հայրենիքը» միանման հայտարարություններ են տարածել

Հիշեցնենք` Գագիկ Ծառուկյանը կալանքի տակ է սեպտեմբերի 25-ից։ Հունիսի 14-ին ԱԱԾ–ն խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Գագիկ Ծառուկյանին կալանքից ազատելու համար 13 կուսակցություն դիմել են գլխավոր դատախազին

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։ Սեպտեմբերի 25-ին Երևանի ընդհանուր իրավասության դատարանը բավարարեց Ծառուկյանին կալանավորելու` ԱԱԾ միջնորդությունը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала