Արցախի Հանրապետության նախագահ Արայիկ Հարությունյանը հանդիպել է Տավուշի թեմի առաջնորդ, գերաշնորհ Բագրատ եպիսկոպոս Գալստանյանի գլխավորած պատվիրակությանը: Հանդիպման տեսանյութից մի հատված նախագահը հրապարակել է Facebook–ի իր էջում։
«Իմ երախտագիտությունը հայտնելով թեմակալ առաջնորդին պատերազմական այս ծանր ժամանակահատվածում Արցախում գտնվելու և իր աջակցությունը բերելու համար` ընդգծել եմ, որ պատմություն ընթացքում հայ եկեղեցին միշտ եղել է ժողովրդի և իշխանության կողքին և հատկապես օրհասական պահերին միասին են հաղթահարել բոլոր դժվարությունները»,–տեսանյութին կից գրել է նախագահը:
Գերաշնորհ Բագրատ եպիսկոպոս Գալստանյանը շնորհակալություն է հայտնել նախագահին այս բոլոր օրերի պայքարի համար։
«Մենք մեր զորակցությունն ենք հայտնում, սխալ կլինի ասել աջակցությունը, քանի որ մենք բոլորս մեզ ենք աջակցում։ Մենք առավել քան համոզված ենք, որ հաղթելու ենք»,–նախագահի հետ զրույցում ասել է գերաշնորհը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 710 զինծառայողներ և 36 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
