Մեծ Բրիտանիայի և Թուրքիայի արտգործնախարարները քննարկել են իրավիճակը Լեռնային Ղարաբաղում։ Այս մասին հայտարարել է Միացյալ Թագավորության արտաքին գործերի նախարար Դոմինիկ Ռաաբը:
«Թուրքիան ՆԱՏՕ-ի առանցքային անդամներից է: Այսօր ես խոսեցի Թուրքիայի արտգործնախարար Մևլութ Չավուշօղլուի հետ և քննարկեցի Միջերկրական ծովի արևելքում լարվածության թուլացման անհրաժեշտությունը, Լեռնային Ղարաբաղում առկա հակամարտությունն ու Լիբիայում տիրող իրավիճակը», - գրել է Դոմինիկ Ռաաբը Twitter-ի իր էջում։
Turkey is a key @NATO ally and friend of the UK. Today I spoke to 🇹🇷 Foreign Minister @MevlutCavusoglu to discuss the need to de-escalate current tensions in the Eastern Mediterranean, the conflict in Nagorno-Karabakh and the situation in Libya.
— Dominic Raab (@DominicRaab) October 19, 2020
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
