Երբեմն թշնամին խոցում է բուժօգնության ավտոմեքենաները. Հովհաննիսյան

© Sputnik / Aram NersesyanПопавшая под обстрел больница в Мартакерте (14 октября 2020). Карабах
Попавшая под обстрел больница в Мартакерте (14 октября 2020). Карабах - Sputnik Արմենիա
Բաժանորդագրվեք
НовостиTelegram
ՊՆ ներկայացուցիչը շեշտեց, որ հազարավոր կյանքեր հնարավոր է լինում փրկել հենց բժիշկների անձնազոհ աշխատանքի շնորհիվ։

ԵՐԵՎԱՆ, 21 հոկտեմբերի — Sputnik. Պատերազմի ընթացքում շատ ծանր աշխատանք են տանում նաև մեր բժիշկները։ Այսօր ճեպազրույցում ասաց ՀՀ ՊՆ ներկայացուցիչ Արծրուն Հովհաննիսյանը։

«Մանավանդ բեկորային վնասվածքները շատ են, քանի որ հրետանին շատ է աշխատում։ Հաճախ բժիշկները ոչ միայն աշխատում են կյանքեր փրկելու համար, այլև իրենք են հայտնվում կրակի տակ»,– ասաց Հովհաննիսյանը։

Брифинг представителя минобороны РА Арцруна Ованнисяна (11 октября 2020). Ереван - Sputnik Արմենիա
Ադրբեջանական մի քանի դիվերսիոն խմբեր փորձել են ներթափանցել մեր դիրքեր. Հովհաննիսյան

Նա նշեց, որ գրանցվել են նաև դեպքեր, երբ հակառակորդի կողմից խոցվել են բուժօգնության ավտոմեքենաները։

«Խոսքը Շտապօգնության մեքենաների մասին չէ, որոնք աշխատում են հիվանդանոցից հիվանդանոց, այլ առաջնագծից մինչև առաջիկա բուժհաստատություն հասնող մեքենաների»,– ասաց Հովհաննիսյանը։

ՊՆ ներկայացուցիչը շեշտեց, որ հազարավոր կյանքեր հնարավոր է լինում փրկել հենց բժիշկների անձնազոհ աշխատանքի շնորհիվ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

Լրահոս
0