ԵՐԵՎԱՆ, 23 հոկտեմբերի – Sputnik. Արցախում զոհվել է Հայաստանի Կիոկուշին կան կարատե-դո ֆեդերացիայի նախագահ Սևակ Սերոբյանը։ Ցավալի լուրը հրապարակված է ֆեդերացիայի ֆեյսբուքյան էջում։
«Խորին ափսոսանքով տեղեկացանք, որ առաջնագծում զոհվել է Հայաստանի Կիոկուշին կան կարատե-դո» ֆեդերացիայի նախագահ Սևակ Սերոբյանը, որը տևական ժամանակ գտնվում էր առաջնագծում»,– գրված է հաղորդագրության մեջ։
Կիոկուշին Կարատեի ազգային Ֆեդերացիայի ողջ անձնակազմն իրենց վշտակցությունն ու ցավակցությունն են հայտնում Սևակ Սերոբյանի ընտանիքին ու հարազատներին:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
