Ռազմական դրության ժամանակ պետությունը կարող է ժամանակավորապես վերցնել քաղաքացիների գույքը

© Photo : press office of the Parliament of RAЗамминистра обороны Армении Габриел Балаян на внеочередном заседании парламента (27 октября 2020). Еревaн
Замминистра обороны Армении Габриел Балаян на внеочередном заседании парламента (27 октября 2020). Еревaн - Sputnik Արմենիա
Բաժանորդագրվեք
Նախագիծն այս պահին քննարկվում է խորհրդարանում: Կառավարությունը սահմանվում է նաև գույքին հասցված վնասի փոխհատուցման պայմանները:

ԵՐԵՎԱՆ, 27 հոկտեմբերի - Sputnik. ՀՀ կառավարությունն առաջարկում է ռազմական դրության իրավական ռեժիմի մասին ՀՀ օրենքը լրացնել նոր դրույթներով, որոնցով ահմանվում է, որ պետության կարիքների դեպքում պետությունը կարող է օգտագործել ֆիզիկական և իրավաբանական անձանց գույքը:

Премьер-министр Никол Пашинян встретился с президентом Карабаха Араиком Арутюняном (21 сентября 2020). Еревaн - Sputnik Արմենիա
«ՀՀ-ում ռազմական դրություն հայտարարելու մասին» որոշման մեջ փոփոխություններ են կատարվել

Կառավարության այս առաջարկն այսօր քննարկվում է ՀՀ ԱԺ արտահերթ նիստում: Ինչպես հարցի զեկուցման ժամանակ հայտնեց ՀՀ պաշտպանության փոխնախարար Գաբրիել Բաայանը, ռազմական դրության իրավական ռեժիմի ընթացքում առաջացած անհրաժեշտության դեպքում այս իրավական ակտով պետությունը կարող է ժամանակավորապես վերցնել և օգտագործել քաղաքացիներին ու կազմակրպություններին պատկանող գույքը:

Նախագծով սահմանվում են նաև գույքին հասցված վնասի փոխհատուցման պայմանները:

«Գույքը վերցնելու դեպքում արձանագրություն է կազմվում, որի համաձայն հետագայում փոխհատուցում է տրամադրվում: Այսինքն՝ եթե գույքը վնասվել է, հնարավորության դեպքում կվերանորոգվի, նոր կտրամադրվի: Եթե ոչնչացվում է, փոխարենը գումար կտրամադրվի»,- ասաց Բալայանը:

Ինչ է Անկարան հասկացնում Մոսկվային, և որ դեպքում ՌԴ–ն ռազմական օգնություն կտրամադրի ՀՀ–ին

Օրենքում առաջարկվող նոր հոդվածով սահմանվում է, որ գույքը սեփականատիրոջը պետք է վերադարձվի ոչ ուշ, քան ռազմական դրության գործողության դադարեցումից հետո` 45-րդ օրը: Իսկ այն դեպքում, երբ հայտնի չէ օրինական տիրապետողը, ապա գույքը պահվում է ռազմական դրության գործողության դադարեցումից հետո 2 տարի, որի ընթացքում միջոցներ են ձեռնարկվում վերջինիս հայտնաբերելու ուղղությամբ: Այդ ընթացքում օրինական տիրապետողին չհայտնաբերելու դեպքում գույքը դառնում է պետության սեփականությունը:

«Գույքը վերադարձնելու անհնարինության դեպքում` դրա օրինական տիրապետողի դիմումի հիման վրա տրվում է համարժեք փոխհատուցում` կառավարության սահմանած կարգով, ժամկետներում և չափով: Եթե գույքը վերադարձվում է վնասված կամ գույքի օգտագործման արդյունքում առաջանում է բաց թողնված օգուտ, ապա գույքի օրինական տիրապետողի դիմումի հիման վրա տրվում է համարժեք փոխհատուցում` կառավարության սահմանած կարգով, ժամկետներում և չափով»,- ասված է օրենքի փոփոխության նախագծում:

Նշենք, որ ԱԺ արտահերթ նիստը հրավիրվել է կառավարության առաջարկով, օրակարգում պաշտպանության ոլորտի հարցեր են:

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала