ԵՐԵՎԱՆ, 28 հոկտեմբերի – Sputnik. Ստամբուլի Խորա վանքի՝ համաշխարհային մշակութային ժառանգություն համարվող խճանկարներն ու որմնանկարները ծածկել են գիպսաստվարաթղթով: Այս մասին Facebook-ում գրել է Թուրքիայի խորհրդարանի հայազգի պատգամավոր Գարո Փայլանը:
«Դուք խուսափում եք այս հողերի պատմությունից, դրանց խորը պատմությունից»,-գրում է հայազգի պատգամավորը՝ դիմելով Թուրքիայի Հանրապետության մշակույթի և զբոսաշրջության նախարարությանը:
Հիշեցնենք` Ստամբուլի Խորա վանքը, որտեղ գտնվում է Սուրբ Փրկիչ եկեղեցին, Թուրքիայի կառավարությունն այս տարի որոշել է վերածել մզկիթի:
Բյուզանդական ուղղափառ վանքը Թուրքիան թանգարան էր դարձրել դեռ 74 տարի առաջ:
Այն կառուցվել է վեցերորդ դարում` մեր թվարկության 534 թվականին և Ստամբուլի հնագույն պատմական հուշարձաններից մեկն է։ 1511 թվականին, Կոստանդնուպոլիսը նվաճելուց հետո, թուրքերն այն մզկիթի էին վերածել:
Վանքը համարվում է բյուզանդական ամենախորհրդանշական հուշարձաններից մեկն է, որը հայտնի է իր գլուխգործոց որմնանկարներով:
