Թուրքի կողմից գլխին մուրճի հարված ստացած երիտասարդը վիրահատության կարիք ունի

© Photo : Facebook / Սփյուռքի Գլխավոր Հանձնակատարի Գրասենյակ Diaspora High Commissioner's OfficeАрмянмн, получивший удар молотком по голове во время акции протеста в Париже (28 октября 2020). Франция
Армянмн, получивший удар молотком по голове во время акции протеста в Париже (28 октября 2020). Франция - Sputnik Արմենիա
Լենա Նազարյանը հեռախոսազրույց է ունեցել Ֆրանսիայում երեկ բողոքի ակցիայի ժամանակ վնասվածք ստացած երիտասարդի քրոջ հետ:

ԵՐԵՎԱՆ, 29 հոկտեմբերի - Sputnik. Ֆրանսիայում ի աջակցություն Արցախի տեղի ունեցած քայլերթի ժամանակ թուրք հանցագործի մուրճի հարվածից գլխի հատվածում վիրավորում ստացած երիտասարդը վիրահատության կարիք ունի։ ՀՀ Ազգային ժողովի փոխնախագահ Լենա Նազարյանը Facebook սոցցանցի իր էջում գրառում է կատարել` հայտնելով, որ հեռախոսով խոսել է երիտասարդի քրոջ հետ:

Последствия протестов в Париже  - Sputnik Արմենիա
Ֆրանսիայում կանխել են հայերի ու թուրքերի բախումները

«Գևորգը դեռ գտնվում է հիվանդանոցում, բայց, բարեբախտաբար, նրա կյանքին վտանգ չի սպառնում»,–գրել է Նազարյանը։

Նա գրել է նաև, որ այսօր էլ առավոտյան Ֆրանսիայի Նիցցա քաղաքում դանակով զինված մի մոլեռանդ հարձակվել է եկեղեցում գտնվող մարդկանց վրա: Նազարյանի խոսքով` եթե ժողովրդավարության առաջնորդներն ի զորու չլինեն սաստել ահաբեկչական մեթոդներով գործող պետություններին, ապա այդ պետություններից դուրս եկող քաղաքացիներն իրենց անհանդուրժող, ծայրահեղական ու հանցագործ վարքով խաթարելու են մարդկանց հավատն առ ազատությունը: Ազգային ժողովի փոխնախագահը նշել է, որ այս պարագայում պետք է միասին գործել:

Հիշեցնենք, որ հայերը երեկ Ֆրանսիայում միջպետական Ա7 ճանապարհն էին փակել` այդպիսով իրենց բողոքն արտահայտելով Ադրբեջանի ագրեսիվ գործողությունների դեմ։ Խցանման մեջ կանգնած մեքենաների միջից մուրճերով ու դանակներով թուրքեր են դուրս եկել ու հարձակվել հայ երիտասարդների վրա։ Թուրքերից մեկը մուրճով հարվածել էր հայ երիտասարդի գլխին։

Հավելենք նաև, որ Ադրբեջանի կողմից Թուրքիայի աջակցությամբ Արցախի դեմ լայնածավալ պատերազմական գործողություններ սկսելուց ի վեր՝ սեպտեմբերի 27-ից, աշխարհի բազմաթիվ երկրներում տեղի հայ համայնքի ու նրանց աջակիցների կողմից տեղի են ունենում բողոքի բազմամարդ ցույցեր՝ ընդդեմ ադրբեջանա-թուրքական ագրեսիայի։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала