Ձերբակալվել է Արցախի դեմ կռվող ահաբեկչական խմբավորման անդամներից մեկը

© AP Photo / UncreditedСирийские боевики, поддерживаемые Турцией, во время боевых действий недалеко от города Рас-эль-Айн (19 октября 2020). Сирия
Сирийские боевики, поддерживаемые Турцией, во время боевых действий недалеко от города Рас-эль-Айн (19 октября 2020). Сирия - Sputnik Արմենիա
Բաժանորդագրվեք
Yandex newsTelegram
Թուրքիայի կողմից Ադրբեջան ուղարկված վարձկանը Աբու Համշեին խմբավորման Աբու Հուսեին 23 ջոկատի անդամ է։

ԵՐԵՎԱՆ, 31 հոկտեմբերի - Sputnik. ՀՀ դատախազությունը տեղեկացնում է, որ ձերբակալվել է Թուրքիայի կողմից Ադրբեջան ուղարկված ահաբեկչական խմբավորման անդամ, սիրիացի վարձկան Մըհըրաբ Մուհամմադ Ալ Շխայիրը։

«Հոկտեմբերի 29-ին Արցախում իրականացվող ռազմական գործողությունների ընթացքում Արցախի ՊԲ զինծառայողների կողմից հայտնաբերվել է Սիրիայի հյուսիսում տեղակայված ահաբեկչական ճամբարից հոկտեմբերի 19-ին Թուրքիայի միջոցով Ադրբեջանի տեղափոխված և պատերազմական գործողություններին մասնակցություն ունեցած Մըհըրաբ Մուհամմադ Ալ Շխայիրը: Նա Աբու Համշեին խմբավորման Աբու Հուսեին 23 ջոկատի անդամ է, Սիրիայի Համմա քաղաքի բնակիչ` ծնված 1975թ. մարտի 5-ին»,–նշված է հաղորդագրության մեջ։

Մըհըրաբ Մուհամմադ Ալ Շխայիրը ձերբակալվել է արդեն իսկ նմանատիպ դեպքերի առնչությամբ հարուցված քրգործով` ՀՀ քրեական օրենսգրքի երեք հոդվածներով նախատեսված հանցանքներ կատարելու կասկածանքով, մասնավորապես` 389-րդ հոդվածով (միջազգային ահաբեկչությունը), 390-րդ հոդվածի 1-ին մասի 1-ին կետով (միջազգային մարդասիրական իրավունքի նորմերի լուրջ խախտումները զինված ընդհարումների ժամանակ) և 395-րդ հոդվածի 3-րդ մասով (վարձկանությունը)։

Поддерживаемые Турцией боевики террористической группировки Хамза в деревне Улашли на северо-востоке провинции Алеппо (7 марта 2019). Сирия - Sputnik Արմենիա
Վարձկանների նոր խումբ է հասել Ադրբեջան. Թուրքիան դժվարությամբ է հավաքագրում նրանց

Ավելի վաղ հայտնի էր դարձել, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Տեղեկություններ կան, որ նրանց 1,5-2 հազար դոլար են վճարել ռազմական գործողություններին մասնակցելու համար։ Այս տեղեկությունը հաստատել են ոչ միայն հայկական և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

Լրահոս
0