Գերեվարված Միշա Մելքումյանի մահը վրա է հասել գլխուղեղի տրավմայի հետևանքով. ՔԿ

© Sputnik / Aram NersesyanДушевный уголок
Душевный уголок - Sputnik Արմենիա
Բաժանորդագրվեք
НовостиTelegram
ՀՀ ՔԿ Քրեագիտության վարչության պետ Ռաֆայել Վարդանյանը Sputnik Արմենիային տված հարցազրույցում ներկայացրել է Ադրբեջանում մահացած գերու հետ կապված որոշ հանգամանքներ:

ԵՐԵՎԱՆ, 4 նոյեմբերի — Sputnik. Ադրբեջանի կողմից գերեվարված ու մինչ Հայաստանին արտահանձնումը մահացած 84-ամյա Միշա Մելքումյանի մահը բռնության հետևանք է: Sputnik Արմենիային տված հարցազրույցում Նման համոզմունք հայտնեց ՀՀ ՔԿ Քրեագիտության վարչության պետ Ռաֆայել Վարդանյանը: 

© Sputnik / Andranik GhazaryanՀՀ ՔԿ Քրեագիտության վարչության պետ Ռաֆայել Վարդանյան
Գերեվարված Միշա Մելքումյանի մահը վրա է հասել գլխուղեղի տրավմայի հետևանքով. ՔԿ - Sputnik Արմենիա
ՀՀ ՔԿ Քրեագիտության վարչության պետ Ռաֆայել Վարդանյան

«Դատաբժշկական փորձաքննության պատասխանը դեռ չենք ստացել, բայց կարող եմ ասել, որ Միշա Մելքումյանի մահը բռնի մահ է: Մահը վրա է հասել գլխուղեղի տրավմայի հետևանքով: Այսինքն՝ մահվան պատճառը ուղղակի գործադրված բռնությունն է անձի նկատմամբ»,- ասաց Վարդանյանը:

Արձագանքելով ադրբեջանական կողմի հայտարարություններին, թե Հայաստան վերադարձած 85-ամյա Եվգենյա Բաբայանն այստեղ փոխել է իր ցուցմունքները՝ իր նկատմամբ Հայաստանում կիրառված բռնության հետևանքով, Ռաֆայել Վարդանյանը «ծիծաղելի» որակեց դրանք` ասելով.

Армянская сторона при посредничестве Международного комитета Красного Креста передает труп сбежавшего азербаджанского капитана /28 ноября 2017г/. Армяно-Азербайджанская граница - Sputnik Արմենիա
Ադրբեջանում մահացած գերի Միշա Մելքումյանի դին փոխանցվել է հայկական կողմին

«Դա իրենց գործելաոճն է, իրենք այդ նույն կերպ են փորձում ցանկացած փաստ ձևախեղված ներկայացնել»:

Վարդանյանը հայտնեց, որ ինքն անձամբ է հարցաքննել գերությունից վերադարձած տատիկին ու վստահեցնում է՝ ամեն ինչ շատ անկեղծ է ասվել: Հարցաքննությունն ամբողջությամբ ձայնագրվել է, ու, քննիչի խոսքով, կարող է ներկայացվել ցանկացած միջազգային ատյանի:

Հիշեցնենք՝ ավելի վաղ ՀՀ քննչական կոմիտեից Sputnik Արամենիային հայտնել էին, որ զինվորական քննչական գլխավոր վարչության 6-րդ կայազորային քննչական բաժնի ծառայողները՝ պետի գլխավորությամբ, եղել են սահմանային անցակետում, մասնակցել Միշա Մելքումյանի դիակի փոխանցման գործընթացին, այնուհետև տեղում` դատաբժշկական փորձագետի մասնակցությամբ, արտաքին զննության են ենթարկել դին:

Մահացել է Ադրբեջանի կողմից գերեվարված Միշա Մելքումյանը. ՀՀ ՄԻՊ

Հետո արդեն նշանակվել է դիակի դատաբժշկական փորձաքննություն, որի արդյունքները դեռ հայտնի չեն:

Արցախի մարդու իրավունքների պաշտպանն այսօր լուրջ կասկածներ էր հայտնել, որ ադրբեջանական գերության մեջ գտնվող 84 տարեկան Միշա Մելքումյանը սպանվել է ադրբեջանցիների ձեռամբ: Նրա հարազատները պաշտպանին տեղեկացրել են, որ նախքան գերությունը նա առողջական էական խնդիրներ չի ունեցել։

Европейский суд по правам человека - Sputnik Արմենիա
Ադրբեջանը պարտավոր է տեղեկություններ տալ հայ գերիների մասին. ՄԻԵԴ–ի վերջնաժամկետը լրացել է

«Սա նշանակում է, որ նա Ադրբեջանում խոշտանգումների է ենթարկվել, ինչի հետևանքով էլ մահացել է»,- նշել էր Արտակ Բեգլարյանը:

Հիշեցնենք, որ հոկտեմբերի 29-ին հայկական կողմին են փոխանցվել ռազմական գործողությունների ընթացքում զոհված 29 հայ զինծառայողների մարմինները, Հայաստան է արտահանձնվել նաև մեկ քաղաքացիական անձ՝ հոկտեմբերի 16-ին Հադրութ քաղաքից գերեվարված Եվգենյա Բաբայանը:

Կարմիր խաչի միջազգային կոմիտեն հայտնել էր, որ քաղաքացիական երկրորդ անձի` 84–ամյա Միշա Մելքումյանի ճամփորդությունն այդ պահի դրությամբ բժշկական առումով հակացուցված էր։ Հաջորդ օրը հայտնի դարձավ, որ Մելքումյանը մահացել է։

Ադրբեջանցիները տիրանում են հայ գերիների սոցցանցերի էջերին. ՄԻՊ–ը նոր ապացույցներ ունի

Լրահոս
0