ԵՐԵՎԱՆ, 4 նոյեմբերի – Sputnik. Տասներկու զինվորականներ պարգևատրվել են «Մարտական խաչ» շքանշաններով։ Տեղեկությունը հայտնում է ՀՀ նախագահի մամուլի ծառայությունը։
Հայաստանի նախագահ Արմեն Սարգսյանը, հիմք ընդունելով վարչապետի միջնորդությունը, պարգևատրել է զինվորականներին հայրենիքի պաշտպանության և անվտանգության ապահովման գործում ներդրած ավանդի, մարտական գործողությունների ընթացքում ցուցաբերած արիության և հմտության համար։ Եվ այսպես`
«Մարտական խաչ» 1-ին աստիճանի շքանշան են ստացել
- թիվ N զորամասի հրամանատար, գնդապետ Սուրեն Մարտիրոսյանը,
- թիվ N զորամասի հրամանատար, գնդապետ Արտաշես Հաջաթյանը։
«Մարտական խաչ» 2-րդ աստիճանի շքանշանով են պարգևատրվել - թիվ N զորամասի հրամանատարի տեղակալ, փոխգնդապետ Արա Սարգսյանը,
- թիվ N զորամասի հրամանատարի տեղակալ, փոխգնդապետ Վանիկ Դավթյանը,
- թիվ N զորամասի դիվիզիոնի հրամանատար, փոխգնդապետ Տիգրան Վարդանյանը,
- թիվ N զորամասի դիվիզիոնի հրամանատար, փոխգնդապետ Վազգեն Վարդանյանը,
- թիվ N զորամասի դիվիզիոնի հրամանատար, փոխգնդապետ Էդգար Մարգարյանը,
- թիվ N զորամասի մարտկոցի հրամանատար, մայոր Սարուխան Բարխուդարյանը,
- թիվ N զորամասի մարտկոցի հրամանատար, մայոր Արկադի Վարդանյանը,
- թիվ N զորամասի մարտկոցի հրամանատար, մայոր Կարեն Սարգսյանը,
- թիվ N զորամասի մարտկոցի հրամանատար, մայոր Հայկ Ղարիբյանը,
- թիվ N զորամասի մարտկոցի հրամանատար, մայոր Հովհաննես Դանիելյանը։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7095 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 251 անօդաչու սարք, 16 ուղղաթիռ, 25 ինքնաթիռ, 685 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
